ავტორი:

ხმაური პარლამენტში - ოპოზიციონერი პარლამენტარები რუს დეპუტატს დარბაზში აღარ უშვებენ

ხმაური პარლამენტში - ოპოზიციონერი პარლამენტარები რუს დეპუტატს დარბაზში აღარ უშვებენ

პარლამენტის პლენარულ სხდომათა დარბაზთან, სადაც მართლმადიდებლობის საპარლამენტთაშორისო ასამბლეის 26-ე სესია ტარდება, „ევროპული საქართველოს“ დეპუტატები პროტესტის გამოსახატად მივიდნენ.

მას შემდეგ, რაც სესიაზე ხანმოკლე შესვენება გამოცხადდა და ასამბლეის მონაწილე დელეგატები ფოიეში გავიდნენ, ოპოზიციონერმა დეპუტატმა ელენე ხოშტარიამ ჟურნალისტებს განუცხადა, რომ სერგეი გავრილოვს პარლამენტის პლენარულ სხდომათა დარბაზში შესვლის უფლებას არ მისცემენ და რაც პარლამენტში ხდება, სირცხვილია.

„საქართველოში ჩამოიყვანეს და პარლამენტში დასვეს ჩვენი ქვეყნის წინააღმდეგ მეომარი რუსი, არავინ არ დაუშვებს გავრილოვის ამ დარბაზში ყოფნას. აქ ჩვენ მას ფიზიკურად არ შემოვუშვებთ“, - განუცხადა ჟურნალისტებს დეპუტატმა ხოშტარიამ.

ევროპული საქართველოს“ დეპუტატები ელენე ხოშტარია, გიორგი კანდელაკი, სერგო რატიანი და ოთარ კახიძე პარლამენტის პლენარულ სხდომათა დარბაზში, სპიკერატში იმყოფებიან და აცხადებენ, რომ გავრილოვს სასესიო დარბაზში დარბუნების საშუალებას არ მისცემენ.

სასესიო დარბაზში არიან ზაქარია ქუცნაშვილი და ადა მარშანია, რომლებსაც „ევროპული საქართველოს“ წევრებმა მიმართეს, თუ რატომ არ რცხვენიათ ის, რაც პარლამენტის პლენარულ სხდომათა დარბაზში ხდება.

ქართველი დეპუტატების კამათი ერთგვარ გაწევ-გამოწევაშიც გადაიზარდა. ადა მარშანია "ევროპული საქართველოს“ წევრებს პროვოკატორებს უწოდებს და მანდატურს სთხოვს, ისინი სხდომთა დარბაზიდან გაიყვანონ.

მართლმადიდებლობის საპარლამენტთაშორისო ასამბლეის სხდომაზე შესვენებაა გამოცხადებული, ინციდენტის გამო არ გრძელდება.

LIVE: ალეკო ელისაშვილი და გიორგი ვაშაძე "ნიუსრუმში"

ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად

"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან  აქციის დაშლის შედეგად დაშავებულები