"ნუ მივცემთ ჩვენს საერთო მტერს სიტუაციით ბოროტად სარგებლობის შესაძლებლობას" - კალაძე
კახა კალაძე ამბობს, რომ დემონსტრაციამ რუსთაველზე ანტიკონსტიტუციური ხასიათი მიიღო, "ქართული ოცნების" გენერალურმა მდივანმა განცხადება პარტიის ოფისში რამდენიმე წუთის წინ გააკეთა.
"პარლამენტის წინ რაც ხდება, გასცდა გამოხატვის თავისუფლების, პროტესტის მშვიდობიანი გამოხატვის ჩარჩოებს და შეიძინა ანტიკოსტიტუციური ხასიათი, პირდაპირ ეთერში ვაკვირდებით ძალისმიერი შტურმის მცდელობას საქართველოს პარლამენტზე.
მოვუწოდებთ მშვიდობიან დემოსტრანტებს, არ აჰყვნენ ავანტურისტ პოლიტიკოსებს და არ გახდნენ მათი დანაშაულებრივი ზრახვების უნებლიე თანამონაწილეები.
პოლიცია, ძალოვანი უწყებები უფლებამოსილებების ფარგლებში იმოქმედებენ საზოგადოებრივი მართლწესრიგის, კანონიერების, სახელმწიფოს და კოსნტიტუციის დასაცავად. მოგიწოდებთ ყველას, გამოიჩინოთ კეთილგონიერება და ნუ მივცემთ ჩვენს საერთო მტერს სიტუაციით ბოროტად სარგებლობის შესაძლებლობას," - განაცხადა კალაძემ.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
