ირაკლი კობახიძეს, სავარაუდოდ არჩილ თალაკვაძე შეცვლის
საქართველოს პარლამენტის თავმჯდომარის პოსტზე არჩილ თალაკვაძის კანდიდატურაა წარდგენილი - ამის შესახებ „ქართული ოცნების“ პოლიტსაბჭოს დასრულების შემდეგ, ფრაქცია "ქართული ოცნების“ თავმჯდომარე მამუკა მდინარაძემ ჟურნალისტებს განუცხადა.
„ამ ეტაპზე მეტი კანდიდატურა არ განიხილება, პარლამენტის თავმნჯდომარის პოზიციაზე საპარლამენტო უმრავლესობა მხარს დაუჭერს არჩილ თალაკვაძის კანდიდატურას,“ - განაცხადა მდინარაძემ.
ამასთან, თალაკვაძე ადასტურებს, რომ პარლამენტის თაჯდომარის პოსტზე მისი დასახელების თაობაზე კონსულტაციები მიმდინარეობდა:
„რაც შეეხება პარლამენტის თავმჯდომარის შემცველსა და კანდიდატურას, მე, ახლა, ძალიან მიმძიმს საუბარი ამასთან დაკავშირებით, ვინაიდან ირაკლი კობახიძე არის ჩვენი გუნდის ლიდერი. ის პარლამენტის კარგი თავმჯდომარე იყო. მან აიღო ეს პასუხისმგებლობა და ფაქტობივად, მთელი გუნდის პასუხისმგებლობა. ამ შემთხვევაში, საპარლამენტო გუნდის პასუხისმგებლობა აიღოს თავის თავზე.
ნუ გავუსწრებთ მოვლენებს, რეგლამენტის დაცვით იქნება მიღებული ეს გადაწყვეტილება უახლოეს, მომდევნო სხდომაზე. ვადასტურებ, რომ ამაზე კონსულტაციები იყო. ვფიქრობ, ჩვენი გუნდი შეძლებს პარლამენტის საქმიანობა შეუფერხებლად გააგრძელოს", - განაცხადა თალაკვაძემ.
პარლამენტმა ახალი თავმჯდომარე 14 დღის ვადაში უნდა აირჩიოს. რეგლამენტის გათვალისწინებით, თავმჯდომარის უფლებამოსილების ვადამდე შეწყვეტის შემთხვევაში, პარლამენტი ახალ თავმჯდომარეს 14 დღის ვადაში ირჩევს. პარლამენტის თავმჯდომარის კანდიდატურის წარდგენის უფლება აქვს უმრავლესობას, უმცირესობას, ფრაქციას და პარლამენტის წევრთა არანაკლებ ექვსკაციან ჯგუფს.
ამასთან, პარლამენტის თავმჯდომარის გადადგომის შემთხვევაში, მის მოვალეობას პირველი მოადგილე (თამარ ჩუგოშვილი) შეასრულებს.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
