"ბოდიში?!" და "გახარია გიხარია?" - მსვლელობის მონაწილეებმა შსს-სთან სტიკერები გააკრეს

ავტოკოლონამ, რომლის მსვლელობის მონაწილეები შს მინისტრის გიორგი გახარიას გადადგომას ითხოვენ კახეთის გზატკეცილზე მდებარე შსს-ს შენობასთან გადაინაცვლა.

აქციის მონაწილეები სკანდირებენ - „წადი".

აქციის მონაწილეებმა შსს-თან განთავსებულ შუშის ღობეზე სტიკერები გააკრეს, რომელზეც 21 ივნისს სპეცრაზმის მიერ გამოყენებული ტყვიებია გამოსახული და ასევე არის წარწერები: "ბოდიში?!" და "გახარია გიხარია?".