"მე თუ ხალხის თვალში სისხლიანი ჯალათი გავხდი, ესეც ჩემი ტვირთია და ამ ტვირთს როგორმე ვატარებ" - ამის შესახებ შს მინისტრმა გიორგი გახარიამ თოქ-შოუების წამყვანებთან შეხვედრაზე ტელეკომპანია "რუსთავი 2"-ის ჟურნალისტის საპასუხოდ განაცხადა. თამარ ბაღაშვილმა მინისტრს უთხრა, რომ "ის ხალხის თვალში სისხლიანი ჯალათია და აჯობებს გადადგეს".
"მე თუ ხალხის თვალში სისხლიანი ჯალათი გავხდი ეს ნიშნავს იმას, რომ ესეც ჩემი ტვირთია, რომელსაც იმისთვის, რომ ამ ქვეყანაში გაიგოს ყველამ, რომ ძალადობრივად ინსტიტუტებზე შეტევა ქვეყნის განვითარებასთან შეუსაბამოა, მე ამ ტვირთს როგორმე ვატარებ" - აღნიშნა საპასუხოდ შს მინისტრმა.