რუსეთსა და აშშ-ს შორის საქართველო უთანხმოების საკითხია
რუსეთსა და აშშ-ს შორის საქართველო უთანხმოების საკითხია. ამის შესახებ საუბარია რუსეთის საგარეო საქმეთა სამინისტროს კოლეგიის სხდომის შემაჯამებელ დოკუმენტში, რომელიც რუსეთის საგარეო საქმეთა სამინისტროს ოფიციალურ ვებ-გვერდზეა გამოქვეყნებული.
სხდომაზე, რომელსაც მინისტრი სერგეი ლავროვი ხელმძღვანელობდა და სადაც რუსეთ-ამერიკის ურთიერთობის ასპექტები განიხილებოდა აღინიშნა, რომ ”გადატვირთვის” მიუხედავად, რუსეთსა და აშშ-ს შორის სადავო საკითხები არსებობს. ოფიციალური ინფორმაციის მიხედვით კი, სადავო საკითხთა ჩამონათვალი ასე გამოყურება: საქართველო, ნატო-ს პრობლემატიკა, ანტისარაკეტო ფარის განთავსებასთან დაკავშირებული გეგმები, ენერგეტიკის, ეკონომიკის და ვაჭრობის სფეროებში არასაკმარისად განვითარებული ურთიერთობა.
ამავე განცხადებაში რუსეთ-ამერიკის ახალი ურთიერთობა დადებითად ფასდება და საუბარია იმ გეგმებზეც, რომელიც საჭიროა ორი ქვეყნის ურთიერთობის გაღარმავებისთვის.
"...საბოლოო ჯამში, ეს გამოიწვევს ტაქსის გაძვირებას, რაც ნორმალურია" - კახა კალაძე ტრანსპორტის რეფორმაზე
LIVE: გია ხუხაშვილი "ნიუსრუმიდან"
