ავტორი:

ვინ არის ქართველი, რომელიც Disney-ს კომპანიაში დირექტორად დაინიშნა - მისი მეუღლე ევროპაში აღიარებული ბალერინაა

ვინ არის ქართველი, რომელიც Disney-ს კომპანიაში დირექტორად დაინიშნა - მისი მეუღლე ევროპაში აღიარებული ბალერინაა

Walt Disney Company CIS-ის გენერალურ დირექტორად კახა აბაშიძე დაინიშნა, ინფორმაციას AT.ge ავრცელებს. კახა აბაშიძე შეითავსებს ცენტრალური და აღმოსავლეთ ევროპის რეგიონების, დსთ-ს და ასევე რუსეთის ხელმძღვანელის პოსტებს.

კახაბერ აბაშიძე Walt Disney Company CIS-ის გენერალური დირექტორის თანამდებობაზე მარინა ჟიგალოვა-ოზკანს შეცვლის, რომელიც კომპანიას 13 წლის მანძილზე ხელმძღვანელობდა.

როგორც Disney-ს ოფიციალურ გვერდზეა აღნიშნული, აბაშიძე კომპანიას 2008 წელს შეუერთდა და არაერთ მაღალ თანამდებობას იკავებდა, კურირებდა კომპანიის საქმიანობას ევროპაში, შუა აღმოსავლეთსა და აფრიკაში. 2014 წლიდან ის Disney-ის მედიადისტრიბუციის განვითარებაზე საბერძნეთში, იტალიასა და აღმოსავლეთ ევროპის ქვეყნებშიც მუშაობდა.

უმაღლესი განათლება აბაშიძემ ჯერ საქართველოში მიიღო, ის სამართლის სპეციალისტია. აქვს, ასევე, ჟურნალისტის დიპლომიც. მოგვიანებით კი ლონდონის უნივერსიტეტში საერთაშორისო მენეჯმენტს დაეუფლა.

შთამბეჭდავი ბიოგრაფია აქვს კახაბერ აბაშიძის ცოლსაც - ბალერინა ელენე გლურჯიძე ინგლისის ნაციონალურ ბალეტს 2002 წლიდან შეუერთდა და 2007 წლიდან პრიმას სტატუსს ატარებდა. გლურჯიძე ახლა 45 წლისაა.

წყვილს ერთი შვილი ჰყავს.

"მის უწმინდესობას წელის ტკივილები ჰქონდა, მთხოვა კონსულტაცია" - რას ამბობს ექიმი პატრიარქის კლინიკაში ვიზიტის შესახებ

მილიონზე მეტის მოგებიანი ბილეთი ბათუმში გაიყიდა

ხვალ საქართველოში ამინდი მკვეთრად გაუარესდება - უახლოესი დღეების ამინდის პროგნოზი