პრეზიდენტი - "გურჯაანი და თელავი შევარიგეთ!"

საქართველოს პრეზიდენტი სალომე ზურაბიშვილი თელავისა და გურჯაანის მერებთან ერთად გადაღებულ ფოტოს აქვეყნებს, წარწერით: "გურჯაანი და თელავი შევარიგეთ!".

როგორც ცნობილია, საქართველოს პრეზიდენტი სალომე ზურაბიშვილი კახეთს სტუმრობდა. მან საგარეჯოს რაიონში ნუშისა და სიღნაღის რაიონში ნუკრიანის ლავანდას პლანტაციები დაათვალიერა.

პლანტაციებს პრეზიდენტი მცირე და საშუალო აგროპროექტების განვითარების მხარდაჭერის ფარგლებში ესტუმრა და აღნიშნა, რომ საქართველოს ყველა რეგიონს სხვადასხვა მიმართულებების თვალსაზრისით, განვითარების უდიდესი პოტენციალი გააჩნია, რომელსაც ათვისება სჭირდება.

დღესვე საქართველოს პრეზიდენტმა სიღნაღის რაიონის სოფელ ნუკრიანში ლავანდას პლანტაცია დაათვალიერა, რომელიც ადგილობრივი ინვესტიციით 2015 წელს გაშენდა კახეთისათვის არატრადიციული და უცხო კულტურა.