ავტორი:

"გაშვებების სერიაც დაიწყო!!! ხვალ ჩვენი რიგი მოვა" - რას წერს ნოდარ მელაძე "ფეისბუქზე"

"გაშვებების სერიაც დაიწყო!!! ხვალ ჩვენი რიგი მოვა" - რას წერს ნოდარ მელაძე "ფეისბუქზე"

"რუსთავი 2-ის" ახალმა გენერალურმა დირექტორმა, პაატა სალიამ არხის მთავარი იურისტი თანამდებობიდან გაათავისუფლა. თამთა მურადაშვილის თქმით, კონტრაქტის შეწყვეტის შესახებ შეტყობინება ელექტრონული ფოსტით შვებულებაში ყოფნის დროს მიიღო.

მურადაშვილის გათავისუფლების შესახებ წერს "რუსთავი 2"-ის საინფორმაციო სამსახურის უფროსი ნოდარ მელაძე.

"გაშვებების სერიაც დაიწყო!!! ამდენი წელი ჩვენთან ერთად იომა, იბრძოლა რ2 ის გადასარჩენად, დღეს მეილზე მიწერეს, რომ გათავისუფლებულია ტელევიზიიდან რომელსაც ამდენი წელი, ამდენი დღე და ღამე შესწირა.

ხვალ ჩვენი რიგი მოვა, თავისუფალი სიტყვის მოსაკლავად გავლებული მავთულხლართებით მოგვახრჩობენ ყველას!" - წერს მელაძე.

რაც შეეხება გათავისუფლებულ იურისტს, მისი თქმით, ეს დასაწყისია იმისა, რომ მომავალში ზეწოლა უკვე ჟურნალისტებზე განხორციელდება, მათ კი იურისტი არ ეყოლებათ, რათა დახმარებისთვის მიმართონ.

სამაუწყებლო კომპანია ”რუსთავი 2-ის" გენერალური დირექტორი პაატა სალია სამსახურიდან იურისტის, თამთა მურადაშვილის გათავისუფლებას "რუსთავი 2"-თან კომენტარში გამოეხმაურა.

"თამთას შვებულებაზე დასტური მე არ მიმიცია. წარმომიდგინა დოკუმენტი, რომლითაც, თითქოს, დიტო საძაგლიშვილი უშვებდა მას შვებულებაში, რაზეც მას განვუცხადე, რომ არ არის ეს ის წესი, რაც არის კომპანიაში დადგენილი და, შესაბამისად, ჩემთან უნდა შეთანხმებულიყო და მე ამაზე პასუხს გავცემდი. არ არის სიმართლე, რომ, თითქოს, ის ჩემთან იყო შეთანხმებული.

მეორე რაც შეეხება, არსებობდა გათავისუფლების საფუძველი, მე მითითებული მაქვს შეტყობინებაში, რომელიც მას გაეგზავნა, ის ნორმები, რომელიც დაარღვია, შესაბამისად, მას აქვს უფლება, მიმართოს სასამართლოს, იურისტია და თვითონ იცის, რა ზომებს უნდა მიმართოს. თუ მას აქვს პრეტენზია ამ გადაწყვეტილებასთან დაკავშირებით, შესაბამისად, სასამართლოში გავცემთ პასუხს,“ - განაცხადა სალიამ.

"ძალიან ძნელია, როცა ოთახში გამოკეტილები გვლანძღავენ ამ სასიკვდილო სივრცეში შემსვლელ ექიმებს" - ლევან რატიანის პასუხი კრიტიკოსებს

აპრილისა და მაისის კომუნალურ შეღავათზე უარის დაფიქსირება მოქალაქეებს სემეკის ვებგვერდზე  შეუძლიათ

"ქმარი მოთამაშეა... ონლაინ გაკვეთილის დროს, გაღიზიანებულმა მოსწავლეების თვალწინ მაგინა" - ოჯახური ძალადობა იზოლაციის დროს