"არხი პარალიზებულია" - რა განცხადებას ავრცელებს "ტვ პირველი"
ტელეკომპანია "პირველი" ფეისბუქის ოფიციალურ გვერდზე განცხადებას ავრცელებს, სადაც იტყობინებიან, რომ არხზე კიბერშეტევა განხორციელდა და მაუწყებლობა პარალიზებულია:
"დღეს დილით არხის ცენტრალურ სერვერზე განხორციელდა კიბერშეტევა, რამაც გამოიწვია არხის სრული პარალიზება, რის გამოც შეუძლებელია არხის სრულფასოვანი მაუწყებლობა. ეთერში ვერ გავიდა "საქმიანი დილა" და ამ დრომდე ვერ გადის არხის საინფორმაციო და პოლიტიკური გადაცემები" - ნათქვამია განცხადებაში.
შეგახსენებთ, რამდენიმე დღის წინ „ტვ პირველის“ დამფუძნებელი ვახტანგ წერეთელი სასამართლოში დაიკითხა.
საქართველოს პროკურატურის განცხადებით, „ტვ პირველის“ დამფუძნებლის საგამოძიებო უწყებაში გამოკითხვაზე დაბარება უკანონო შემოსავლის ლეგალიზაციის ფაქტზე 2018 წლის 2 აგვისტოს დაწყებულ გამოძიებას უკავშირდება, რომელზეც ბრალი „თიბისი“ ბანკის დამფუძნებლებს მამუკა ხაზარაძესა და ბადრი ჯაფარიძეს, ფულის გათეთრების მუხლით აქვთ წაყენებული.
თავად ვატო წერეთელი დაკითხვაზე დაბარებას „თავისუფალ მედიაზე ზეწოლად“ აფასებს და ამბობს, რომ ხელისუფლება „ტვ პირველის“ გაჩუმებას ცდილობს.
"გამყიდველს მივმართე, რატომ არ ეკეთა პირბადე, რაზეც მეუზრდელა... დავრეკე პატრულში. აღმოჩნდა, რომ ვერ დააჯარიმებენ, რადგან მტკიცებულება არ აქვთ" - რას წერს "ფეისბუქმომხმარებელი"?
"ხომ წარმოგიდგენიათ, კოვიდპაციენტმა 4 კმ იარა ფეხით.. მე კი არ მეზარებოდა, უბრალოდ, თავი არ მქონდა" - რას ჰყვება ნოდიკო ტატიშვილი
