ქალი ვერ დადის, კაცი ვერაფერს ხედავს, თუმცა ერთად მთები გადაიარეს

მელანი კნექტი და ტრევორ ჰანი ერთად ფეხით ბევრს მოგზაურობენ, ორივე მათგანი კოლორადოდან არის. თუმცა, ისინი ჩვეულებრივი მოლაშქრეები არ არიან.

მელანი 29 წლისაა და ხერხემლის დაზიანებით დაიბადა; 42 წლის ჰანი კი გლაუკომას გამო 5 წლის წინ დაბრმავდა. მელანი ეტლით მოსარგებლეა, ამიტომ მოგზაურობა მისთვის ბევრ სირთულესთან არის დაკავშირებული.

მხედველობის დაკარგვის შემდეგ ტრევორი კვლავ აგრძელებდა ლაშქრობებში სიარულს, თუმცა ამისთვის საჭირო იყო, მასთან მუდმივად ყოფილიყო სხვა ადამიანი.

კნექტმა და ჰანმა ერთმანეთი გასულ წელს შეზღუდული შესაძლებლობების პირებისთვის ადაპტაციის შემსწავლელ ვარჯიშებზე გაიცნეს და გადაწყვიტეს, ერთად ევლოთ მთებში ლაშქრობებზე.

მელანი ტრევორს ხეტიალის დროს ზურგზე სპეციალური ზურგჩანთის მსგავსი გადამყვანით დაჰყავს, ქალი კი მისთვის თვალების ფუნქციას ასრულებს, ის შესანიშნავი გიდია.

„მას ფეხები აქვს, მე - თვალები! ერთად ჩვენ ძალიან კარგი გუნდი ვართ,“ - აღნიშნა მელანიმ ჟურნალისტებთან.

მათთვის ასეთი „თანამშრომლობა“ ბევრად კომფორტულია, ვიდრე მეგობრების დახმარების მიღება, რადგან „პასუხისმგებლობებს ინაწილებენ“.