"ნაცმოძრაობამ" პარლამენტი პროტესტის ნიშნად დატოვა - გახარიამ ოპოზიციონერები ტაშით გააცილა

მთავრობის ახალი შემადგენლობის მოსმენა "ნაციონალური მოძრაობის" ფრაქციის ფორმატში ჩაიშალა. "ნაციონალური მოძრაობის" ფრაქციის მოსმენაზე, როდესაც პრემიერ მინისტრობის კანდიდატი გიორგი გახარია კითხვებზე პასუხების გაცემას იწყებდა, სალომე სამადაშვილი სხდომის შეწყვეტის ინიციატივით გამოვიდა. მან მოუწოდა დამსწრეებს, შეეწყვიტათ სხდომა, რადგან „პარლამენტში არ უშვებენ გახარიას მიერ თვალდათხრილ მოქალაქეებს“.

ნახეთ ვიდეო:

• რა გააკეთა გიორგი გახარიამ, როდესაც "ნაციონალურმა მოძრაობამ" პროტესტის ნიშნად, პარლამენტი დატოვა

"არ მიმაჩნია სწორად მოვუსმინო დღეს ამ სხდომას", - განაცხადა სამადაშვილმა.

ამ აზრს დაეთანხმა ფრაქციის თავმჯდომარე რომან გოცირიძე და სხდომა შეწყვიტა. სამადაშვილმა გააჟღერა, რომ მაკო გომურს პარლამენტში არ უშვებენ.