ავტორი:

მამუკა ხაზარაძემ გიორგი გახარიას წერილის ექსპერტიზის შედეგი მიიღო - რას ამბობენ ბიზნესმენი და მისი ადვოკატი

მამუკა ხაზარაძემ გიორგი გახარიას წერილის ექსპერტიზის შედეგი მიიღო - რას ამბობენ ბიზნესმენი და მისი ადვოკატი

"თიბისი ბანკის" დამფუძნებლის მამუკა ხაზარაძის ინფორმაციით, იმ წერილთან დაკავშირებით, რომელიც მისი მტკიცებით, გიორგი გახარიამ მისწერა, ექსპერტიზამ "სერიოზული შედეგები" აჩვენა.

ჟურნალისტების კითხვაზე, ექსპერტიზის შედეგად დასტურდება თუ არა წერილზე გიორგი გახარიას წერილის ნამდვილობა, ხაზარაძემ უპასუხა, რომ ამაზე მისი ადვოკატი ისაუბრებს.

ბიზნესმენის თქმით, ეს წერილი მიუთითებს საქართველოში არსებულ მართვის მახინჯ ფორმაზე.

"თქვენ იცით, რომ ჩვენმა ადვოკატმა წერილის ექსპერტიზის პასუხი ჩამოიტანა. პირველი ექსპერტიზა საკმაოდ სერიოზული შედეგებით დამთავრდა, რასაც ადვოკატები გაამჟღავნებენ და იტყვიან. ასევე, გრძელდება სხვა ტიპის ექსპერტიზა და შესაბამისად, იმედია, რომ პროკურატურაში საქმე აღიძვრება. მათ საფუძველი ჰქონდათ, რომ ეს საქმე თებერვალში აღეძრათ, რაც არ გააკეთეს - ჩათვალეს, რომ ეს იყო ვიღაცის მიერ დაწერილი სახუმარო წერილი.

ვფიქრობ, ეს სერიოზული წერილია, რომელიც მიუთითებს, რამდენად მახინჯი და კრიმინალური აზროვნების სტრუქტურებთან და თანამდებობის პირებთან გვაქვს საქმე ამ სახელმწიფოში. ჩვენ ამას გამოვავლენთ და საზოგადოებისთვის ყველაფერი ცნობილი გახდება.

იმედი არ მაქვს, დღევანდელი პროკურატურის პირობებში შეიძლება, რომ ნებისმიერი საქმე ობიექტურად იქნას გამოძიებული, მითუმეტეს, რომ ტრადიციად იქცა პირადი ადვოკატების გენერალურ პროკურორებად და მინისტრებად დანიშვნა. ეს არის ქვეყნის მართვის მახინჯი ფორმა, რომელიც უნდა შეიცვალოს," - განაცხადა მამუკა ხაზარაძემ.

„თიბისი ბანკის“ დამფუძნებლის ადვოკატის, ზვიად კორძაძის განცხადებით, მუქარის წერილზე ექსპერტიზის შუალედური შედეგი, გამოძიების დაწყების საფუძველს იძლევა.

ადვოკატი ექსპერტიზის შუალედურ შედეგს არ აკონკრეტებს და აცხადებს, რომ აღნიშნულთან და მთლიანად საქმესთან დაკავშირებით, 11 სექტემბერს, არასამთავრობო ორგანიზაციის წარმომადგენლებს შეხვდება და იქ ისაუბრებს.

შეგახსენებთ, წერილში, რომელიც მამუკა ხაზარაძის მტკიცებით, შს მინისტრ გიორგი გახარიასგან მიიღო, „ყველანაირი წინაპირობის გარეშე“ შესასრულებელ 3 სახის ულტიმატუმზეა საუბარი.

ამასთან, წერილში აღნიშნულია, რომ პირობების შეუსრულებლობის შემთხვევაში, „გამოიყენებენ მათ ხელთ არსებულ ყველა სამართლებრივ და ობიექტურ საშუალებას და გააკეთებენ ამას საჯაროდ შიდა და საერთაშორისო მომხმარებლებისთვის“.

LIVE: ალეკო ელისაშვილი და გიორგი ვაშაძე "ნიუსრუმში"

ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად

"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან  აქციის დაშლის შედეგად დაშავებულები