ნოდარ ხადური დაკრძალეს - კადრები სიონის ტაძრიდან, სადაც ყოფილი მინისტრის სამოქალაქო პანაშვიდი გაიმართა
ფინანსთა ყოფილი მინისტრი, ნოდარ ხადური დღეს დაკრძალეს.
დილიდან სიონის საკათედრო ტაძარში სამოქალაქო პანაშვიდი მიმდინარეობდა. გარდაცვლილის ოჯახს მიუსამძიმრეს პრემიერ-მინისტრმა გიორგი გახარიამ, პარლამენტის თავმჯდომარე არჩილ თალაკვაძემ, სოფლის მეურნეობის მინისტრმა ლევან დავითაშვილმა, უმრავლესობის წევრებმა - მამუკა მდინარაძემ და გია ვოლსკიმ.
ვიდეო უკომენტაროდ: დამშვიდობება ნოდარ ხადურთან - კადრები სიონის საკათედრო ტაძრიდან
სამოქალაქო პანაშვიდზე მოადგილეებთან ერთად მივიდა თბილისის მერი კახა კალაძე, ასევე ოჯახს მიუსამძიმრა თბილისის საკრებულოს თავმჯდომარე გიორგი ტყემალაძემ. ნოდარ ხადურის ოჯახს სამძიმარი გამოუცხადა ასევე სამოქალაქო მოძრაობა "ლელოს" დამფუძნებელმა, მამუკა ხაზარაძემ.
ნოდარ ხადური 10 სექტემბერს, 49 წლის ასაკში გარდაიცვალა. არსებული ინფორმაციით, მისი გარდაცვალების მიზეზი გულის შეტევა გახდა.
ხადური 2016 წლის 1-ელი დეკემბრიდან საქართველოს კონკურენციის სააგენტოს თავმჯდომარე იყო. 2012 წლის ოქტომბრიდან 2016 წლის ნოემბრამდე მას საქართველოს ფინანსთა მინისტრის თანამდებობა ეკავა.
თბილისში ავტობუსების რაოდენობა გაიზრდება
„ნენსკრა ჰიდრომ“ სვანეთში შიდა ტურიზმის პოპულარიზაციის მიზნით ვებ-გვერდი შექმნა
