ავტორი:

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

ამერიკელმა კაცმა ყოფილი ცოლის საყვარელს უჩივლა და ოჯახის დანგრევაში დასდო ბრალი. „დეილი მეილის“ ინფორმაციით, მომჩივანმა კომპენსაციად 750 000 დოლარი მიიღო.

მოსამართლემ საქმე ჩრდილოეთ კაროლინელი კევინ ჰოვარდის სასარგებლოდ გადაწყვიტა და მასში მონაწილე მეორე მამაკაცი ჰოვარდისთვის ცოლის წართმევაში დამნაშავედ ცნო. შესაბამისი კანონი აშშ-ს რამდენიმე შტატში მოქმედებს.

„ის ჩემი ცოლის კოლეგა იყო. რამდენჯერმე ივახშმა ჩვენს სახლში, ერთად ვატარებდით დროს... მეგონა, მეგობარი იყო,“ - განაცხადა ჰოვარდმა.

მოგვიანებით, როდესაც ცოლმა განქორწინება სთხოვა, ჰოვარდს ეჭვები გაუჩნდა და პირადი გამომძიებელი დაიქირავა. მამაკაცი ამბობს, რომ ეს ფულისთვის არ გაუკეთებია, რადგან მისთვის ოჯახური სიწმინდე ძალიან მნიშვნელოვანია.

საქმე რომ მოეგო, მომჩივანს უნდა წარედგინა მტკიცებულებები, რომ წყვილი ცოლის „მეგობრის“ გამოჩენამდე ბედნიერად ცხოვრობდა.

ჰოვარდის თქმით, სწორედ მესამე პირის გამოჩენის შემდეგ წავიდა მათი ქორწინება დასასრულისკენ.

კანონი ძალიან ძველია და სათავეს ჯერ კიდევ იმ პერიოდიდან იღებს, როდესაც ქალი პირად საკუთრებად განიხილებოდა. შტატების უმეტესობამ კანონი გააუქმა, თუმცა ის ჯერ კიდევ არის შემორჩენილი ჰავაიში, მისისიპიში, ნიუ-მექსიკოში, სამხრეთ დაკოტაში, იუტასა და ჩრდილოეთ კაროლინაში.

„ერთ დღეს განვიცადე 2 ყველაზე დიდი - პირადული და პროფესიული ბედნიერება“ - გაიცანით „მასტერშეფის“ მეოთხე სეზონის ტრიუმფატორი სოლომონ მძინარაშვილი

ეკა ბესელიას შვილი დაინიშნა  - ვინ არის პარლამენტარის სარძლო? (ფოტოები ნიშნობიდან)

როგორ ცხოვრობს ქართველი ბიჭი სხვადასხვა სახეობის გველთან და ნიანგთან ერთად? - "შეიძლება დაოჯახებაში ხელი შემეშალოს, მაგრამ პრობლემას არ შევქმნი"