ავტორი:

"საპატიო თბილისელი" 81 წლის მეეზოვე გახდა, რომელიც დედაქალაქს 61 წელია ასუფთავებს

"საპატიო თბილისელი" 81 წლის მეეზოვე გახდა, რომელიც დედაქალაქს 61 წელია ასუფთავებს

"თბილისობის“ გალა-კონცერტზე 2019 წლის "საპატიო თბილისელები" დასახელდნენ. "საპატიო თბილისელის” წოდება სხვადასხვა სფეროში თავისი მოღვაწეობით გამორჩეულ 7 ადამიანს მიენიჭა. თითოეულ მათგანს დედაქალაქის მერმა, კახა კალაძემ თბილისის სიმბოლური გასაღები, სიგელი და გულსაბნევი გადასცა და ქალაქის ზრუნვისთვის მადლობა გადაუხადა.

"საპატიო თბილისელები“ გახდნენ:

გიოზალ დუმოევი, 81 წლის, "თბილსერვის ჯგუფის" მეეზოვე, ის 61 წელია რაც დედაქალაქის სისუფთავეზე ზრუნავს.

გივი მამულაშვილი, 83 წლის, "თბილსერვის ჯგუფის" გარე განათების ოსტატი. 66 წელია დედაქალაქის გარეგანათებაზე ზრუნავს.

ავთანდილ კობახიძე, 77 წლის. გვირაბ ნაგებობათა სამსახურის თანამშრომელია. 53 წელია, რაც თბილისის მეტროში მუშაობს.

ვალერიან მეთაფლიშვილი, 74 წლის. თბილისის სატრანსპორტო კომპანია, N1 ავტობუსის მძღოლი, 49 წელია, რაც ამ სამსახურში მუშაობს.

როგნეტა კუჭავა, 79 წლის. ბიბლიოთეკათმცოდნე, 49 წელია რაც ამ სფეროში საქმიანობს.

მეია მეგრელიშვილი,79 წლის, 27-ე ბაგა-ბაღის მუსიკის პედაგოგი, აქვს 60-წლიანი პროფესიული განათლება.

ნიკო ლეკიშვილი, 72 წლის, თბილისის ყოფილი მერი.

„მადლობა ნიკო ლეკიშვილს იმ საქმიანობისთვის, რასაც ის აკეთებდა ჩვენი ქალაქისთვის. მან თავის გუნდთან ერთად ბევრი რამ გააკეთა ჩვენი ქალაქისთვის.მინდა მას დავუფასო თავის შრომა,თავისი გაკეთებული საქმეები",- განაცხადა კახა კალაძემ.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი