ავტორი:

სკოლები საქართველოში, სადაც არც ერთი ბავშვი სწავლობს და სასწავლებლები, სადაც თითო-თითო ბავშვი ირიცხება

სკოლები საქართველოში, სადაც არც ერთი ბავშვი სწავლობს და სასწავლებლები, სადაც თითო-თითო ბავშვი ირიცხება

საქართველოში ექვს სკოლას არც ერთი მოსწავლე არ ჰყავს, - დაბალკონტიგენტიანი სკოლების შესახებ ინფორმაცია „ინტერპრესნიუსმა“ განათლების მართვის საინფორმაციო სისტემიდან გამოითხოვა.

ოფიციალური ინფორმაციით, ეს სკოლები ძირითადად მცხეთა-მთიანეთის რეგიონში, წყალტუბოს, ამბროლაურისა და ტყიბულის მუნიციპალიტეტებში მდებარეობს, სადაც „0 ბავშვი ირიცხება“.

უფრო კონკრეტულად, არც ერთი მოსწავლე არ ჰყავს ამბროლაურის მუნიციპალიტეტის სოფელ ხოტევის საჯარო სკოლას, დუშეთის მუნიციპალიტეტის სოფელ ყვავილისა და სოფელ ხანდოს საჯარო სკოლას, თიანეთის მუნიციპალიტეტის სოფელ ჩეკურაანთგორის საჯარო სკოლას, ტყიბულის მუნიციპალიტეტის სოფელ ოჯოლის საჯარო სკოლასა და წყალტუბოს მუნიციპალიტეტის სოფელ მექვენას საჯარო სკოლას.

როგორც განათლების მართვის საინფორმაციო სისტემაში „ინტერნპრესნიუსს“ განუცხადეს, ექვსივე სკოლა ბავშვთა მიმართვიანობის შემთხვევაში, ფუნქციონირებას განაახლებს.

გარდა ამისა, ოფიციალური ინფორმაციით, საქართველოში მდებარეობს 4 სკოლა, სადაც მხოლოდ ერთი მოსწავლე ირიცხება. ეს სკოლებია: ამბროლაურის მუნიციპალიტეტის სოფელ ნამანევის საჯარო სკოლა, დუშეთის მუნიციპალიტეტის სოფელ კაიშაურების საჯარო სკოლა, ვანის მუნიციპალიტეტის სოფელ ონჯოხეთის საჯარო სკოლა და ცაგერის მუნიციპალიტეტის სოფელ საირმის საჯარო სკოლა.

ასევე, ჯამში 30 მოსწავლე და ნაკლები სწავლობს საქართველოს მასშტაბით 291 საჯარო სკოლაში.

ყოფილი მეუღლის მიმართ მუქარის ფაქტზე ბრალდებულ სასულიერო პირს მონასტერში გაგზავნიან

ჰაერის დაბინძურებით გამოწვეული სიკვდილიანობით საქართველო მეორე ადგილზეა - საერთაშორისო ორგანიზაციის საგანგაშო კვლევა და ექსპერტის შეფასება

ნახევარ მილიარდ ლარზე მეტი ღირებულების C ჰეპატიტის მედიკამენტს ვადა გაუვიდა