როგორია გურამიშვილზე მომხდარი აფეთქებისას დაშავებულების მდგომარეობა - 39 წლის მამაკაცს სხეულის 60% აქვს დამწვარი
გურამიშვილის გამზირზე, საცხოვრებელ კორპუსში მომხდარი აფეთქების შედეგად დაშავებული სამი პირის მდგომარეობა, რომლებიც მე-8 საავადმყოფოში არიან შეყვანილნი, სტაბილურია.
როგორც „ინტერპრესნიუსს“ მერვე საავადმყოფოს კლინიკურმა დორექტორმა ლალი ტურძელაძემ განუცხადა, კლინიკაში შეყვანილია სამი ადამიანი, ორი მამაკაცი და ერთი ქალი. მათგან, ორს აქვს მსუბუქი ჭრილობები მტევანზე, რომელიც მინის დამსხვრევის შედეგად აქვთ მიღებული, ხოლო ქალს, რომელიც იატაკის ჩანგრევის შედეგად დაშავდა, გამოკვლევები უტარდება და მიმდინარეობს დინამიკაში დაკვირვება.
აფეთქების შედეგად დაშავებული 39 წლის მამაკაცი კი, რომელიც ხეჩინაშვილის საუნივერსიტეტო კლინიკაშია გადაყვანილი, უმძიმეს მდგომარეობაშია. კლინიკის ექიმმა გიორგი დავლიანიძემ ჟურნალისტებს განუცხადა, რომ მამაკაცს სხეულის 60% აქვს დამწვარი.
"პაციენტი დილის 9 საათზე შემოიყვანეს, დამწვრობა მიღებული აქვს ცეცხლის ალით. მისი მდგომარეობა ამ დროისთვის უმძიმესია. პაციენტი დამწვრობითი შოკის მდგომარეობაში იმყოფება და მიმდინარეობს ძლიერი ანტიშოკური თერაპია.
ჯერჯერობით, რაიმე პროგნოზების გაკეთებაზე ლაპარაკი ადრეა. მას ძირითადად სასუნთქი გზები აქვს დამწვარი", - განაცხადა გიორგი დავლიანიძემ.
გურამიშვილის გამზირზე აფეთქების შედეგად დაშავებული 39 წლის მამაკაცის მდგომარეობა მძიმეა
ქუთაისში გასტროლებზე მყოფი მოსკოვის თეატრის რეჟისორი მაყურებელს - "მე განვიცდი სირცხვილის გრძნობას"
