სიმსუქნე და ჭარბი წონა ბავშვებში - რა იწვევს პრობლემას და როგორ გავუმკლავდეთ მას?

სიმსუქნე და ჭარბი წონა ბავშვებში გლობალურ პრობლემად იქცა. 2016 წელს ჩატარებულმა კვლევამ აჩვენა, რომ მოზრდილების 65%-ზე მეტი ჭარბწონიანი ან სიმსუქნით დაავადებული იყო, 2010 წელს კი, ეს მონაცემები 56%-ს უტოლდებოდა.

დაავადებული მოზარდებისა და სკოლის მოსწავლეების რიცხვი თანდათანობით იზრდება ევროპაში. გამონაკლისი არც საქართველოა.

სიმსუქნის გამომწვევი მიზეზები, როგორც წესი, ხშირ შემთხვევაში, ბავშვობიდან იჩენს თავს, პრობლემის პრევენციისთვის კი, პირველ რიგში მშობლის მონდომება და ყურადღებაა საჭირო.

იმისათვის, რომ თქვენს შვილს ნორმალური წონის შენარჩუნებაში დაეხმაროთ, დააბალანსეთ მის მიერ მიღებული და დახარჯული კალორიები.

გაითვალისწინეთ, რამდენად აქტიური დღის რეჟიმი აქვს თქვენს შვილს და მხოლოდ ამის მიხედვით დაგეგმეთ მისი კვების რაციონი. გახსოვდეთ, მიზანი ბავშვისთვის, რომელსაც ჭარბი წონის პრობლემა აქვს - არის წონის მატების დინამიკის შემცირება, ნორმალური ზრდისა და განვითარების პარალელურად. ექიმის კონსულტაციის გარეშე, ბავშვისთვის ან მოზარდის თვითნებურად წონის კლების მკაცრი დიეტის დანიშვნა არ შეიძლება.

იმისთვის, რომ ბავშვებს ჯანსაღი კვების ჩვევების გამომუშავებაში დავეხმაროთ საჭიროა მათი განათლება საკვების შესახებ, ბავშვმა უნდა იცოდეს რომელი საკვებია მისთვის მავნე ან სასარგებლო. მათ უნდა შეეძლოთ საყვარელი საკვების ჯანსაღი გზით მიღება.

შეეცადეთ:

• მოამარაგოთ თქვენი შვილი ბოსტნეულით, ხილით და მსხვილმარცვლოვანი პროდუქტებით
• გამოიყენეთ დაბალი კალორიულობის მქონე რძე და რძის პროდუქტები
• ცილის მარაგისთვის აირჩიეთ მჭლე ხორცი, თევზი, ფრინველის ხორცი, პარკოსნები
• ყურადღება მიაქციეთ პორციებს. გაითვალისწინეთ ბავშვის ასაკი
• წაახალისეთ ოჯახში მეტი წყლის დალევა
• შეამცირეთ ტკბილი, გაზიანი სასმელები
• შეამცირეთ შაქრის და გაჯერებული ცხიმის მიღება
• გახსოვდეთ, ყოველდღიური, მცირე ცვლილებებით თქვენ შვილს ცხოვრების ჯანსაღ წესს უყალიბებთ!