ავტორი:

უბნები თბილისში, სადაც გაზის მომხმარებელთა უყურადღებობის გამო, აფეთქებები ყველაზე ხშირად ხდება

უბნები თბილისში, სადაც გაზის მომხმარებელთა უყურადღებობის გამო, აფეთქებები ყველაზე ხშირად ხდება

"თბილისი ენერჯი" დედაქალაქში, გაზის მომხმარებელთა უყურადღებობის კუთხით ყველაზე საშიში უბნების ჩამონათვალს ავრცელებს.

ეს არის თბილისის უბნები, სადაც 2019 წლის 9 თვის განმავლობაში გაზის კუსტარულად დამონტაჟებული დანადგარების დემონტაჟის ყველაზე მაღალი მაჩვენებელი დაფიქსირდა:

  • სანზონა
  • ვაზისუბანი
  • გლდანი
  • ჩუღურეთი
  • ისანი - სამგორი

კომპანია “თბილისი ენერჯი“ მოსახლეობას მოუწოდებს, გამოიჩინონ სიფთხილე. გახსოვდეთ, რომ არსებული კანონმდებლობის თანახმად, მომხმარებელი თავად არის პასუხისმგებელი მის საცხოვრებელ ფართში გაზის მოწყობილობების მოხმარების წესების დარღვევაზე.

რამდენიმე დღის წინ, თბილისში, სანზონაში, გურამიშვილის გამზირზე, 16 სართულიან კორპუსში აფეთქება მოხდა. პირველადი ვერსიით, აფეთქება საცხოვრებელ ბინაში გაზის დაგროვებამ გამოიწვია. მომხდარის შედეგად მეოთხე სართული დაინგრა და მოპირდაპირედ მდგარ კორპუსში ფანჯრის მინები ჩაიმსხვრა.

ადგილზე მისვლისთანავე, მეხანძრე-მაშველებმა კორპუსიდან მოსახლეობის სრული ევაკუაცია განახორციელეს. სასწრაფო-სამედიცინო დახმარების ჯგუფებმა სხვადასხვა სამკურნალო დაწესებულებაში 4 ადამიანი გადაიყვანეს. აფეთქების შედეგად ერთ-ერთი დაშავებულის, 39 წლის მამაკაცის მდგომარეობა ამ დრომდე უმძიმესია. ექიმების ინფორმაციით, მამაკაცს სხეულის, დაახლოებით, 60% აქვს დამწვარი.

“თბილისიენერჯის“ წარმომადგენლის განცხადებით, გურამიშვილის გამზირზე, სადაც აფეთქება მოხდა, შემთხვევამდე რამდენიმე ხნით ადრე, „თბილისი ენერჯის“ შემოწმების ჯგუფმა კუსტარულად დამონტაჟებული წყალგამაცხელებელი ჩახსნა. ამასთან, აბონენტს მიეთითა, რომ აღნიშნული წყალგამაცხელებლის ჩართვა სიცოცხლისთვის საშიში იყო.

ბექა ღვინიაშვილმა ოსაკას გრანდ სლემზე ოქროს მედალი მოიპოვა

ნონა გაფრინდაშვილი კვლავ მსოფლიო ჩემპიონი გახდა

ილია მეორემ ბიძინა ივანიშვილი სამების ტაძრის მშენებლობაში შეტანილი წვლილისთვის დალოცა