ბერა ამაზონის ჯუნგლების აღდგენისთვის მილიონ დოლარს გაიღებს

ქართველი რეპერი ბერა ივანიშვილი ხანძრის შედეგად განადგურებული ამაზონის ტყის აღსადგენად ერთ მილიონ დოლარს გაიღებს. აღნიშნულთან დაკავშირებით ბერა სოციალურ ქსელში ვიდეომიმართვას ავრცელებს, რომლითაც მსოფლიოს მიმართავს.

"მინდა მხარდაჭერა გამოვუცხადო ჩემს ბრაზილიელ მეგობრებს, რომლებიც ჩვენსა და ამ სტიქიას შორის დგანან. იმის მიუხედავად, რომ ათასობით კილომეტრის დაშორებით ვცხოვრობ, მუდმივად ვგრძნობ ჩემი ბრაზილიელი მეგობრების სიყვარულს.

ვიპოვე ორგანიზაცია, რომელსაც შეუძლია ცვლილებების მოხდენა, რომელსაც ვენდობი. ეს ორგანიზაციაა ISA. გადავწყვიტე, ბრაზილელი მეგობრების დასახმარებლად და ტყის აღსადგენად გადავრიცხო თანხა 1.1 მლნ დოლარი.

ბრაზილიაში ამაზონის ტყეები ხანძარი აგვისტოში გაჩნდა. ტროპიკულ ტყეებში რამდენიმე ათასი ცეცხლის კერა იყო. ამაზონის ტროპიკული ტყეების ხანძარს „დიდი შვიდეულის“ ლიდერებმა სამიტზეც განიხილავეს.

საფრანგეთის პრეზიდენტმა ემანუელ მაკრონმა „დედამიწის ფილტვებად“ წოდებულ ამაზონის ტყეებში მძვინვარე ხანძარს „საერთაშორისო კრიზისი“ უწოდა. ხანძრის შედეგად განადგურებული ტყის აღსადგენად თანხა უამრავმა ცნობილმა ადამიანმა გაიღო.