მკვლელობა ვარკეთილში - არსებული ინფორმაციით, მოკლული ტაქსის მძღოლია

თბილისში, შუახნის მამაკაცი მოკლეს. არსებული ინფორმაციით, შემთხვევა ვარკეთილში მოხდა. როგორც „ინტერპრესნიუსს“ საქართველოს შინაგან საქმეთა სამინისტროში განუცხადეს, მამაკაცს სასიკვდილო ჭრილობა ცივი იარაღით აქვს მიყენებული. გავრცელებული ინფორმაციით, მოკლული ტაქსის მძღოლი იყო.

მომხდარზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაულში ეჭვმიტანილი პირი დაკავებული არ არის და მიმდინარეობს სამძებრო სამუშაოები.