ავტორი:

მეტროს მატარებლები დღეს 20 წუთი გვირაბში იყო გაჩერებული - "ვაგონები მგზავრებით იყო სავსე, რის გამოც სუნთქვა გვიჭირდა"

მეტროს მატარებლები დღეს 20 წუთი გვირაბში იყო გაჩერებული - "ვაგონები მგზავრებით იყო სავსე, რის გამოც სუნთქვა გვიჭირდა"

თბილისის მეტროში შეფერხება იყო. როგორც „ინტერპრესნიუსს“ მგზავრებმა აცნობეს, მატარებლები რამდენიმე სადგურში, გვირაბში გაჩერდა.

თავის მხრივ, სააგენტოს თბილისის სატრანსპორტო კომპანიაში განუცხადეს, რომ მეტროს მუშაობის შეფერხების მიზეზი სადგურ „მარჯანიშვილზე“ მოძრავი მატარებელი გახდა, რომელსაც ტექნიკური პრობლემები შეექმნა.

„მატარებელი ტექნიკური ხარვეზით „მარჯანიშვილზე“ იყო გაჩერებული, მაგრამ ვინაიდან მის გაყვანას დასჭირდა დრო, სხვა მატარებლები, რომლებიც მოძრაობდნენ სხვადასხვა სადგურების მიმართულებით, გარკვეული დროით გაჩერდნენ, რათა „მარჯანიშვილზე“ გაჩერებული მატარებლის ხაზიდან უსაფრთხოდ გაეყვანათ“, - განაცხადეს თბილისის სატრანსპორტო კომპანიაში.

მგზავრების ინფორმაციით, მეტროში წარმოქმნილმა პრობლემამ მოქალაქეების ნაწილში პანიკური სიტუაცია შექმნა.

„დაახლოებით 15-20 წუთი იყო მატარებელი გაჩერებული სამგორისა და ისნის სადგურებს შორის. ვაგონები მგზავრებით იყო სავსე, რის გამოც სუნთქვა გვიჭირდა. ერთგვარი პანიკური სიტუაცია იყო“, - განუცხადა „ინტერპრესნიუსს“ ერთ-ერთმა მგზავრმა.

ამ დროისთვის მეტროში პრობლემა აღმოფხვრილია და მგზავრებს შეუფერხებლად ემსახურება.

ტრაილერს, რომელიც ფონიჭალაში ამობრუნდა, ცხვრები გადაჰყავდა - დახოცილია 100-ზე მეტი ცხვარი

"თბილისის მიკროავტობუსის" გენერალური დირექტორი - გამოსავალი ტარიფის 20-30 თეთრით გაზრდაა

"ვირუსების აქტიურობა გაორმაგებულია... პიკს დეკემბრის ბოლოს ველოდებით" - იაშვილის კლინიკის დირექტორი აქტუალურ საკითხებზე