მომდევნო 3 დღე, საქართველოში უნალექო ამინდი იქნება
ხვალიდან მთელი საქართველოს მასშტაბით გამოიდარებს. ამის შესახებ AMBEBI.GE-ს გარემოს ეროვნული სააგენტოს პროგნოზირების ცენტრის ხელმძღვანელმა სვეტლანა ნიორაძემ განუცხადა.
მისივე ინფორმაციით, უნალექო ამინდი სულ მცირე, სამი დღის განმავლობაში გაგრძელდება.
ხვალ დღისით, დასავლეთ და აღმოსავლეთ საქართველოში მაქსიმალური ტემპერატურა 10-15 გრადუსის ფარგლებში დაფიქსირდება.
რაც შეეხება, თბილისს, ხვალ მაქსიმალური ტემპერატურა 13 გრადუსს მიაღწევს, ღამით კი 4 გრადუსი იქნება.
დღეს კი საქართველოში წვიმა და მაღალმთაში თოვლია მოსალოდნელი. იქროლებს დასავლეთის მიმართულების ძლიერი ქარი, ზღვაზე შესაძლებელია 4-5-ბალიანი შტორმი.
გარემოს ეროვნული სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს.
"უამრავი ჭორია მოსალოდნელი ამ პერიოდში" - რას უნდა უფრთხილდნენ ზოდიაქოს ნიშნები 20 ნოემბრამდე
12 ნოემბერს სავსემთვარეობაა, 26-ში ახალმთვარეობა - ნოემბრის დეტალური ასტროლოგიური პროგნოზი რამაზ გიგაურისგან
