„სისხლის დონაცია დამეხმარა მეცხოვრა ერთი „ზედმეტი“ წელი”- რატომ უნდა გავიღოთ სისხლი უანგაროდ

პირადი ისტორიები, ყოველთვის, უფრო გასაგებს, აღქმადს ხდის - რატომ უნდა გავიღოთ სისხლი უანგაროდ.

ამონარიდი, რომელსაც უცვლელად გთავაზობთ 27 წლის ჰოლი ბათჩერის წერილის ბოლო აბზაცია, რომელიც მან გარდაცვალებამდე რამოდენიმე დღით ადრე დაწერა. ჰოლი, სიმსივნის იშვიათი ფორმის დიაგნოზით 2018 წლის 4 იანვარს გარდაიცვალა, მისი წერილი საკმაოდ ვრცელია და ამ სიტყვებით მთავრდება:

„აჰ და ბოლოს… თუ შეგიძლია, გააკეთე ერთი კარგი საქმე კაცობრიობისთვის (და ჩემთვის) და დაიწყე სისხლის რეგულარულად დონაცია. თავს კარგად იგრძნობ და ბონუსად ადამიანების სიცოცხლესაც იხსნი.

ჩემი აზრით სისხლის დონაცია ნამდვილი გმირობაა და რატომღაც თითქოს სათანადო ყურადღება არ ექცევა, მითმეტეს თუ გავითვალისწინებთ, რომ ამ ქმედებით 3 ადამიანის სიცოცხლის გადარჩენა შეგიძლიათ. ეს არის პროცესი, რომელსაც უდიდესი გავლენა აქვს თითო ადამიანის სიცოცხლეზე, თან ძალიან მარტივი და უმტკივნეულოა.

სისხლის დონაცია (იმდენი პაკეტი, რომ უკვე სათვალავი ამერია) დამეხმარა მეცხოვრა ერთი „ზედმეტი“ წელი. წელი რომლისთვისაც სამუდამოდ მადლიერი ვიქნები. წელი, რომელიც გავატარე აქ დედამიწაზე ჩემს ოჯახთან, მეგობრებთან, საყვარელ ადამიანებთან და ძაღლთან ერთად. წელი, რომელიც ერთ-ერთ საუკეთესო იყო ჩემს ცხოვრებაში.

შეხვედრამდე,

ჰოლი“

ჰოლის წერილი, გასაგებს ხდის, რამდენად მნიშვნელოვანია, გაიღოთ სისხლი უანგაროდ. რა შეუძლია თქვენს, თუნდაც ერთხელ გაღებულ სისხლს.

გახსოვდეთ, სისხლი და სისხლის პროდქტები განსაკუთრებით საჭიროა:

• ქალებისთვის რომელთაც აქვთ ორსულობასა და მშობიარობისათან დაკავშირებული სისხლდენა
• ბავშვებისთვის, რომელთაც აქვთ მწვავე ანემია, რომელიც დაკვშირებულია მალარიასა ან მალნუტრიციასთან (კვების დეფიციტთან)
• პაციენტებისთვის, რომელთაც აქვთ სისხლის ან ძვლის ტვინის დარღვევები, ჰემოგლობინის მემკვიდრეობითი დარღვევები და იმუნური დეფიციტის მდგომარეობები
• ადამიანებისთვის ტრავმული დაზიანებებით საგანგებო სიტუაციების, კატასტროფებისა და უბედური შემთხვევების დროს; და პაციენტებისთვის, რომლებიც გადიან რთულ სამედიცინო და ქირურგიული პროცედურებს.

გაიღე სისხლი უანდაროდ!გადაარჩინე სიცოცხლე!

NS