სამოაში წითელას ვირუსს 22 ადამიანი ემსხვერპლა - გარდაცვლილთა უმრავლესობა 5 წლამდე ბავშვია

სამოაში წითელას ვირუსს 22 ადამიანი ემსხვერპლა. ამ ინფორმაციას „როიტერსი“ ავრცელებს. ბოლო 1 კვირის განმავლობაში სამოაში წითელას ინფექციით დაღუპულთა რაოდენობა გასამმაგდა. გარდაცვლილებს შორის უმეტესობა 5 წლამდე ბავშვია.

ეპიდემიის გამო, ქვეყანაში საგანგებო მდგომარეობა გამოცხადაა, შეწყვეტილია სასწავლო პროცესი. სამოაში ამ დროისათვის წითელას ინფექციის 1 800-მდე შემთხვევა დაფიქსირდა. ექიმების განცხადებით, სახელმწიფოში წითელას გავრცელების მთავარი მიზეზი სასმელი წყლის დაბინძურება გახდა.

UNICEF-მა სამოას წითელასთან საბრძოლველად 110 500 დოზა მედიკამენტი გამოუყო. ამასთანავე, ავსტრალიამ ქვეყანაში ექიმებისა და ჯანდაცვის ექსპერტების გუნდი გაგზავნა.