გიგი უგულავას დაპირისპირების დროს პალტო შემოახიეს - "ევროპული საქართველოს" ლიდერი უკვე თავისუფალია და აქციაზე ტაქსით მივიდა
გიგი უგულავა, რომელიც სამართალდამცველებმა რამდენიმე წუთის წინ დააკავეს ეროვნულ ბიბლიოთეკასთან, უკვე თავისუფალია. "ევროპული საქართველოს" ლიდერი ეროვნულ ბიბლიოთეკასთან აქციაზე, ტაქსით დაბრუნდა.
მან "ფეისბუქის" პირად გვერდზე ტაქსისში გადაღებული ფოტოც გამოაქვეყნა, მოგვიანებით კი ჟურნალისტებს განუცხადა, რომ დაპირისპირების დროს პალტო შემოახიეს:
"ისე აღმოჩნდა, რომ ყველა ღილი მოხეული მაქვს და მორღვეული... რაღაც ამდაგვარს (დაკავებას) ველოდი. გზაში რა განმარტებაც გააკეთეს, იყო ის, რომ რადგან ერთ-ერთი ლიდერი ბრძანდებით, შეიძლება თქვენ სიტყვას ესკალაცია მოჰყოლოდაო და ჩემ სიტყვას თუ შეიძლება ესკალაცია მოჰყვეს, მივიღებ კომპლიმენტად“, - განაცხადა აქციაზე დაბრუნებულმა უგულავამ.
შეგახსენებთ, რომ ეროვნულ ბიბლიოთეკასთან ცოტა ხნის წინ დაპირისპირება იყო, რა დროსაც პოლიციამ აქციის რამდენიმე მონაწილე, მათ შორის გიგი უგულავა და გიორგი კანდელაკი დააკავა. მოგვიანებით შსს-მ განაცხადა, რომ უგულავა ტერიტორიიდან განარიდეს.
ბესელია ოხანაშვილს ტრიბუნასთან გვერდით მიუჯდა - "მე რომ რეგლამენტს ვწერდი, შენ პარლამენტთან მისასვლელ გზებს ეძებდი"
ნიკა მელიასთვის სადეპუტატო უფლებამოსილების შეწყვეტის საკითხს კომიტეტში მხარი დაუჭირეს
