ავტორი:

"გვლანძღავენ, რომ როგორ შეიძლება წყალი სიცივეშიო - ახლა ვცდილობთ, გავათბოთ" - ვახტანგ გომელაური აქციის წყლის ჭავლით დაშლაზე

"გვლანძღავენ, რომ როგორ შეიძლება წყალი სიცივეშიო - ახლა ვცდილობთ, გავათბოთ" - ვახტანგ გომელაური აქციის წყლის ჭავლით დაშლაზე

ელემენტარულად, ორჯერ წყალს მივასხამთ, მაგაზეც გვლანძღავენ, რომ როგორ შეიძლება სიცივეში. ახლა ვცდილობთ გავათბოთ წყალი და თბილი წყალი გამოვიყენოთ ხოლმე, - ამის შესახებ შს მინისტრმა ვახტანგ გომელაურმა მედიას საპროტესტო აქციებთან დაკავშირებული საკითხის კომენტირებისას განუცხადა.

მისი თქმით, პოლიცია მაქსიმალურად ცდილობს, ადამიანები არ დაზიანდნენ.

"ძალიან ხშირად ხდება, უმოქმედობაში ვართ. თუ გამოვალთ და ხელკეტსაც არ ვიყენებთ, არც რეზინის ტყვიებს, გაზს და ელემენტარულად, ორჯერ წყალს მივასხამთ, მაგაზეც გვლანძღავენ, რომ როგორ შეძლება სიცივეში. ახლა ვცდილობთ გავათბოთ წყალი და თბილი წყალი გამოვიყენოთ ხოლმე. ვმოქმედებთ, არ მოსწონთ, არ ვმოქმედებთ, არ მოსწონთ. რთულია, რთულია. ჩვენ მაქსიმალურად ვცდილობთ, მნიშვნელობა არ აქვს რომელი მხარე იქნება, რომ ადამიანი არ დაზიანდეს, არ მოხდეს შეხლა-შემოხლა და განვარიდოთ ერთმანეთს", - განაცხადა ვახტანგ გომელაურმა.

ქუთაისში, კიკვიძის სკვერში შეკრებილ ოპოზიციის ლიდერებსა და მათ მხარდამჭერებს კვერცხები დაუშინეს

მაჟორიტარების ნაწილს 2020 წლის შემდეგ პარლამენტის ორპალატიანი სისტემის შემოღება სურს

რატომ ჩადიან ქართველი პოლიტიკოსები რუსეთში?