რა სიმპტომები აქვს სხვადასხვა სახის ჭიას და როგორ უნდა მოიქცეს მშობელი?

რა არის ის ძირითადი ჩივილები, რომელთა არსებობის შემთხვევაშიც, ორგანიზმში პარაზიტების არსებობაზე ჩნდება ეჭვი, რომელი სახის პარაზიტები გვხვდება ყველაზე ხშირად ბავშვთა ასაკში, როგორ ხდება დიაგნოსტიკა და მკურნალობა - ამ თემაზე პედიატრიული პრივატ კლინიკის პედიატრი, ნანა ნარეკლიშვილი mshoblebi.ge-ს ესაუბრება.

მისი თქმით, ისეთი სიმპტომები, როგორებიცაა უმადობა, გულის რევა, ღამით ნერწყვისდენა, უზმოზე პირღებინება, მუცლის შებერილობა, მუცლის ტკივილი, ტკივილი ჭიპის ირგვლივ, ყაბზობა ან ფაღარათი, ასევე ნერვული სისტემის დარღვევები. აგზნებადობის მომატება, თავბრუსხვევა, თავის ტკივილი, ალერგიული რეაქციები, კანის ქავილი, გამონაყარი და ზოგჯერ ეპილეფსიის მსგავსი გულყრებიც ორგანიზმში პარაზიტი ჭიების შესაძლო არსებობაზე მიუთითებს.

"ყველაზე ხშირად ბავშვთა ასაკში გვხვდება ენტერობიოზი, ასკარიდოზი, ლამბლიოზი. იშვიათია მძიმე პარაზიტული დაავადებები - ვისცერული ლეიშმანიოზი, ტოქსოპლაზმოზი, ამებიაზი, ლენტურა ჭიები. საკმაოდ მძიმე დაავადებაა ფასციოლოზი და ექინოკოკოზი, ტრიქინოლოზი და სხვა პარაზიტები, რომლებიც სხვადასხვა კლინიკური გამოვლინებით ხასიათდება.

სხვადასხვა პარაზიტული დაავადებების დროს დიაგნოსტირების მეთოდები განსხვავებულია. ასკარიდოზის და ენტერობიოზის გამოსავლენად საკმარისია განავლის ანალიზი. განაგრძეთ კითხვა mshoblebi.ge