ავტორი:

ბათუმში პოლიციელი ყელის არეში დაჭრეს - ბრალდებული დაჭრილის მეწყვილემ ადგილზე დააკავა

ბათუმში პოლიციელი ყელის არეში დაჭრეს - ბრალდებული დაჭრილის მეწყვილემ ადგილზე დააკავა

ბათუმში, ჭავჭავაძის ქუჩაზე, სადაც პოლიციელი დაჭრეს სამართალდამცველები მუშაობენ. როგორც თვითმხილველთა ნაწილმა „ინტერპრესნიუსს“ განუცხადა, შემთხვევა მაშინ მოხდა, როდესაც საპატრულო პოლიციის ეკიპაჟმა მოძრავი ავტომობილი გააჩერა. თვითმხილველების ინფორმაციით, მოქალაქესა და სამართალდამცველს შორის შელაპარაკება მოხდა, რა დროსაც, მოქალაქემ სამართალდამცავი ყელის არეში მძიმედ დაჭრა. უცნობია დანაშაულის ჩადენის იარაღი.

თვითმხილველების ნაწილი კი ამბობს, რომ საპატრულო პოლიციის ეკიპაჟს მოქალაქემ ხელი დაუქნია, მას შემდეგ კი, რაც პატრულის ავტომობილი გაჩერდა და ავტომობილიდან პოლიციელი გადმოვიდა, მოქალაქემ ის დაჭრა.

შსს-ს ინფორმაციით, უკვე დაკავებულია პოლიციელის დაჭრაში ბრალდებული პირი. ბრალდებული დაჭრილი პოლიციელის მეწყვილემ ადგილზე დააკავა.

უწყების ცნობით, მომხდართან დაკავშირებით გამოძიება სისხლის სამართლის კოდექსის 353-ე მუხლით მიმდინარეობს, რაც პოლიციაზე ან ხელისუფლების წევრზე თავდასხმას გულისხმობს.

ამ დროისთვის ჭავჭავაძის ქუჩაზე, „პლაზას“ მიმდებარე ტერიტორიზე საავტომობილო მოძრაობა შეზღუდულია, ადგილზე სამართალდამცველები მუშაობენ.

ვაჟა გაფრინდაშვილს ცხინვალის ე.წ სასამართლომ 1 წელი და 9 თვე მიუსაჯა - რას აცხადებენ სუს-ში

"20 წუთის განმავლობაში მშობელი ტოვებს განყოფილებას და ბავშვი რჩება მარტო..." - ლონდა თოლორაია 15 წლის მოზარდის საქმის ახალ დეტალებზე

გამომძიებელ მარიანა ჩოლოიანს პატიმრობა შეეფარდა