ევროპაში ორი ქარიშხლის შედეგად, რვა ადამიანი დაიღუპა

პორტუგალიაში, ესპანეთსა და საფრანგეთში ძლიერ ქარიშხალს, 22 დეკემბრის მონაცემებით, რვა ადამიანი ემსხვერპლა. გასულ ოთხშაბათს ამ ქვეყნებს ქარიშხალმა „ელზამ“ გადაუარა, შაბათიდან კი „ფაბიენმა“.

პირველი ქარიშხლის სიჩქარემ საათში 170 კილომეტრი შეადგინა. შედეგად, ამ ქვეყნების აეროპორტებმა რეისები გადადეს, შეჩერდა სარკინიგზო მიმოსვლა.

ქარიშხლისგან დაზარალდნენ დიდი ბრიტანეთი და იტალიაც.

ინგლისში შტორმის შედეგად, მდინარეები ადიდდა, ტორნადომ დააზიანა სახლები და ავტომანქანები.

იტალიის ქალაქ ვენეციაში, კი წყალმა ზღვის დონიდან, 120 სანტიმეტრით აიწია, რის შედეგადაც, ქალაქის 30 % დაიტბორა.