ავტორი:

ვის დააჯილდოებენ „მაგნოლია 2019“-ზე ბათუმში

ვის დააჯილდოებენ „მაგნოლია 2019“-ზე ბათუმში

ხვალ, ბათუმში „მაგნოლია 2019“-ის დაჯილდოების ცერემონია გაიმართება. ღონისძიებაზე აჭარის ტურიზმის დეპარტამენტი რეგიონში საუკეთესო ტურისტული სერვისის მიმწოდებლებს დააჯილდოებს. ღონისძიებაზე 13 ნომინაციაში საუკეთესო განთავსებისა და კვების ობიექტი, ტურისტულ ატრაქცია/მუზეუმი, გიდი, ტურისტული სააგენტო, ტურისტულ მარშრუტი, ყველაზე ხშირად ვიზიტირებადი ადგილი, ღვინის მარანი, საოჯახო-სასტუმრო სახლი და ყველაზე დასამახსოვრებელი ღონისძიება იქნება წარმოდგენილი.

აჭარის ტურიზმის დეპარტამენტმა რეგიონში მაღალი სერვისის მიმწოდებელი ტურისტული ობიექტების გამოსავლენად ტურისტებისა და სექტორის შეფასებები გამოიყენა. ტურისტების კვლევისას, რომელიც მაისში დაიწყო და ნოემბრის ბოლოს დასრულდა, ვიზიტორების გამოკითხვა საქართველოს დატოვებისას, სასაზღვრო-გამშვებ პუნქტებზე მიმდინარეობდა. ამას დაემატა მომხმარებელთა ონლაინ კვლევაც, რაც Trip Adviser-ზე, Booking. com-სა და Facebook.com-ზე ტურისტების შეფასებების კვლევას ითვალისწინებდა. საბოლოოდ, ტურისტებისა და მომხმარებლების კვლევას გიდების, განთავსებისა და კვების ობიექტების, ტურისტული სააგენტოების გამოკითხვის შედეგებიც დაემატა.

წელს, დაჯილდოების ცერემონია ბათუმის დრამატულ თეატრში გაიმართება. ღონისძიების ფარგლებში აჭარის ტურიზმის დეპარტამენტი სექტორს 2019 წლის ანგარიშსა დ 2020 წლის პრიორიტეტებს გააცნობს.

აჭარის ტურიზმის დეპარტამენტი „მაგნოლია“-ს დაჯილდოების ღონისძიებას აჭარაში 2015 წლიდან ატარებს. მისი მიზანი ტურისტული სექტორის წახალისება და რეგიონში სერვისის გაუმჯობესებაა.

ორი საშობაო სიმბოლო, რომლის გარეშეც ახალი წლის დღეები წარმოუდგენელია- საიდან მოდის ჩიჩილაკისა და „შობის ყვავილის“ტრადიცია

თიბისი ბანკი მომხმარებელს გადახდის ინოვაციურ პროდუქტს - თიბისის სამაჯურს სთავაზობს

8 კრიტერიუმი - როგორ შევარჩიოთ ლაზერული ეპილაციის აპარატი თანამედროვე ესთეტიკის ცენტრისთვის