ავტორი:

ნინო სურგულაძე ტყუპის დედა გახდება - "ჩემთვისაც შოკისმომგვრელი იყო..."

ნინო სურგულაძე ტყუპის დედა გახდება - "ჩემთვისაც შოკისმომგვრელი იყო..."

მსოფლიოში აღიარებული მეცო-სოპრანოს ნინო სურგულაძის ცხოვრებაში არაჩვეულებრივი სიახლეა - ოპერის მომღერალი მალე დედა გახდება.

როგორც სურგულაძემ "მთავარის" დილის გადაცემაში სტუმრობისას განაცხადა, ეს მის ცხოვრებაში მოულოდნელი სიხარულია:

"ჩემთვისაც შოკისმომგვრელი იყო, ახლა უკვე ვეღარც ვმალავ... რაღაც პერიოდი ამაზე არ ვსაუბრობდი, მაგრამ ეს იმდენად სასიხარულოა...

მე პირადად ყოველთვის ამაზე ვოცნებობდი, მაგრამ ცხოვრებაში რაღაცეები ხდება მაშინ, როცა ამას არ ელოდები. ვარ ძალიან ბედნიერი, ეს უფრო დიდ ენერგიას მომცემს, სტიმულს, თანაც ორს ველოდები, ასე რომ...

მე თვითონ ვარ ძალიან შოკირებული და ყველა ჩემიანი... სულ მეკითხებოდნენ ამაზე, როდის აპირებ და არ მქონდა პასუხი, ჩემი გრაფიკიდან გამომდინარე განსაკუთრებით, მაგრამ ახლა ასე მოხდა..." - აღნიშნა მომღერალმა "შენი დილის" ეთერში სტუმრობისას.

ნინო სურგულაძე წარმატებული კარიერის გარდა, ქველმოქმედებით არის დაკავებული. 42 წლის მეცო-სოპრანოს საერთაშორისო საქველმოქმედო ფონდი "ნატვრის ხე" ეხმარება ჯანმრთელობის პრობლემების მქონე ბავშვებს, რომლებსაც საზღვარგარეთ მკურნალობა ესაჭიროებათ.

ნინო სურგულაძემ გასული რვა საქველმოქმედო კონცერტით, საზოგადოების და მსოფლიო ვარსკვლავების ჩართულობით ოთხმოცამდე ბავშვს აჩუქა სიცოცხლე, ბავშვების უმრავლესობას საზღვარგარეთ მკურნალობა დაუფინანსდა და ჩაუტარდათ ურთულესი ოპერაციები. ასევე "ნატვრის ხის" ფონდმა დახმარება გაუწია სოციალურად დაუცველ ათასამდე ოჯახს.

"სხვა არაფერი უნდა, არც კომპიუტერი, არც თამაში" - 9 წლის ინტერნეტ-ვარსკვლავი სიმღერის განსაკუთრებული ნიჭით, რომლის ვიდეოს უამრავი ნახვა აქვს

აუთსაიდერების დუეტი და ხმის მიცემის წესები - რა ელის მაყურებელს "დიდი სცენის" მე-4 ლაივკონცერტზე

ნინო სურგულაძე ტყუპ შვილთან ერთად - მომღერალი ოჯახურ ფოტოს აქვეყნებს