"რია ნოვოსტი" -  მოსკოვი-თბილისის ავტობუსი ამოტრიალდა, დაღუპულია ორი ადამიანი

ლიპეცკის ოლქში მომხდარი ავტოსაგზაო შემთხვევის შედეგად, რა დროსაც სამგზავრო ავტობუსი ამოტრიალდა, საქართველოს მოქალაქეები დაიღუპნენ. ამის შესახებ „რია ნოვოსტის“ რეგიონის საგანგებო სიტუაციათა სამსახურში განუცხადეს.

"დაზუსტებული მონაცემებით, დაღუპულია ორი ადამიანი, 16 ადამიანს მედიკოსები სინჯავენ", - განუცხადეს სააგენტოს.

მათივე ცნობით, მძღოლი და 17-ვე მგზავრი საქართველოს მოქალაქეა. ავარია მოსკოვის დროით 18:40 საათზე მოხდა სტანოვლიანსკის რაიონის დასახლებულ პუნქტ იარლუკინოსთან.