საუკეთესოდ ჩაცმული ქალები "ოქროს გლობუსის" ცერემონიაზე - ვინ  გახდა წითელი ხალიჩის დედოფალი?

ლოს ანჯელესში, "ოქროს გლობუსის“ 77-ე დაჯილდოების ცერემონიალი გაიმართა. წლის დრამატული ფილმის კატეგორიაში - ფილმმა „1917“, რეჟისორის ნომინაციაში კი ამავე ფილმის რეჟისორმა სემ მენდესმა გაიმარჯვა.

წლის ორიგინალური სცენარის ნომინაციაში გამარჯვება რეჟისორმა კვენტინ ტარანტინომ მოიპოვა ფილმისთვის „ერთხელ ჰოლივუდში“. აღნიშნული ფილმი გამოცხადდა გამარჯვებულად წლის კომედიური ჟანრის ფილმის კატეგორიაშიც.

წლის მსახიობი კაცის ტიტული დრამატულ ფილმებში ჯოკერის როლისთვის ჰოაკინ ფენიქსმა მოიპოვა, ამავე კატეგორიაში წლის მსახიობი ქალი კი ჯუდი გერლანდის როლისთვის რენე ზელვეგერი გახდა.

წლის მუსიკალურ ან კომედიურ ფილმებში ქალისა და მამაკაცის როლებისთვის ჯილდოები მიიღეს აკვაფინამ ფილმისთვის „დამშვიდობება“ და ტაარონ ეგერტონმა ელტონ ჯონის განსახიერებისთვის ფილმში „როკეტმენი“.

მეორეხარისხოვანი კაცის როლისთვის ჯილდო მიიღო ბრედ პიტმა, მეორეხარისხოვანი ქალის როლის შესრულებისთვის კი გამარჯვება ლორა დერნმა მოიპოვა ფილმისთვის "ქორწინების ამბავი".

ეს კაბებია ვარსკვლავების საუკეთესო სამოსი "ოქროს გლობუსის" 77-ე ცერემონიის წითელი ხალიჩიდან, თუმცა აქვე გეტყვით, რომ მოდის კრიტიკოსებმა საუკეთესოდ ჩაცმულ ვარსკვლავად, სკარლეტ იოჰანსონი დაასახელეს. მსახიობს ვერა ვონგის წითელი კაბა ეცვა.