ადვოკატი - გამოკვეთილია მარიანა ჩოლოიანის უდანაშაულობა, ვაგროვებთ მტკიცებულებებს
გამოკვეთილია მარიანა ჩოლოიანის უდანაშაულობა, ამას ვამტკიცებთ პირველ რიგში, - ამის შესახებ „ინტერპრესნიუსს" 15 წლის მოზარდის გარდაცვალების საქმეზე დაკავებული გამომძიებლის მარიანა ჩოლოიანის ადვოკატმა გაგი მოსიაშვილმა განუცხადა.
მისი თქმით, ჩოლოიანის ჯანმრთელობის მდგომარეობა დამაკმაყოფებელია.
"ისევ ისეთ რეჟიმში ვართ, ვაგროვებთ მტკიცებულებებს, მტკიცებულებების მოძიების პროცესში ვართ. გამოკვეთილია მისი უდანაშაულობა, ამას ვამტკიცებთ პირველ რიგში და ვმუშაობთ მისი უდანაშაულობის დასადასტურებლად", - განაცხადა მოსიაშვილმა.
შეგახსენებთ, რომ 15 წლის მოზარდი ლუკა სირაძე, რომელმაც პოლიციაში გამოკითხვის შემდეგ თვითმკვლელობა სცადა, 17 დეკემბერს საავადმყოფოში გარდაიცვალა. ამ საქმეზე სახელმწიფო ინსპექტორის სამსახურმა პოლიციის გამომძიებელი მარიანა ჩოლოიანი დააკავა. მარიანა ჩოლოიანს თბილისის საქალაქო სასამართლომ აღკვეთი ღონისძიების სახით პატიმრობა 19 დეკემბერს შეუფარდა.
მელორ ვაჩნაძე საფრანგეთში მკვლელობის მცდელობის ბრალდებით დააკავეს
ვინ არის ბიძინა ჩაჩხიანი, რომელმაც "ბასიანთან" სამი ადამიანი დაჭრა და რა დანაშაულისთვის იხდიდა წლების წინ სასჯელს
