ვარკეთილში, კორპუსის ლიფტში ახალშობილი იპოვეს
ვარკეთილში, ერთ-ერთი საცხოვრებელი კორპუსის ლიფტში ჩვილი იპოვეს
თბილისში, ვარკეთილის ზემო პლატოზე მდებარე ერთ-ერთ საცხოვრებელ კორპუსში უცნობმა პირმა ახალშობილი დატოვა. შემთხვევა წუხელ, დაახლოებით 22:00 საათზე მოხდა.
ჩვილი ლიფტში ადგილობრივებმა იპოვეს და სასწრაფო დახმარებამ ის კლინიკაში გადაიყვანა. ახალშობილი ბიჭი რეანიმაციულ განყოფილებაშია და მისი ჯანმრთელობის მდგომარეობა დამაკმაყოფილებელია.
"ახალშობილს აღენიშნებოდა მსუბუქი ფორმის ჰიპოთერმია. მუდმივად კონტროლდება მისი სასიცოცხლო პარამეტრები, ჩაბარებულია რიგი კვლევები და იმყოფება ინტენსიური დაკვირვების ქვეშ. ამ ეტაპზე მის სიცოცხლეს საფრთხე არ ემუქრება" - აღნიშნა ექიმმა.
როგორც შსს-ში აცხადებენ, მომხდარზე გამოძიება საქართველოს სისხლის სამართლის კოდექსის 127-ე მუხლით მიმდინარეობს, რაც გულისხმობს სიცოცხლისთვის საშიშ მდგომარეობაში ჩაყენებას.
თსუ-ს ლექტორი ინგა მილორავა, რომლის დასახმარებლად საქველმოქმედო ჯგუფი შექმნეს, გარდაიცვალა
რამდენი ლარი იქნება ჯარიმა საზოგადოებრივი თავშეყრის ადგილებში პირბადის გარეშე მოძრაობაზე
