ავტორი:

"ოჯახს ბაღდათის მერიამ გამოუყო საცხოვრებელი, თუმცა რატომ იმყოფებოდნენ ამჟამად ამ სახლში, ინფორმაცია არ გვაქვს" - იმერეთში სახელმწიფო რწმუნებული

"ოჯახს ბაღდათის მერიამ გამოუყო საცხოვრებელი, თუმცა რატომ იმყოფებოდნენ ამჟამად ამ სახლში, ინფორმაცია არ გვაქვს" - იმერეთში სახელმწიფო რწმუნებული

იმერეთში სახელმწიფო რწმუნებულის, ზვიად შალაბერიძის განცხადებით, ოჯახს, რომლის წევრებიც დღეს მომხდარი ხანძრის დროს დაიღუპნენ მერიამ საცხოვრებელი ფართი გამოუყო და ოჯახი წლების განმავლობაში სწორედ მერიის მიერ გამოყოფილ საცხოვრებელში ცხოვრობდა.

მისი თქმით, სახლი ძველია და ცეცხლი სწრაფად გავრცელდა.

"საშინელი ტრაგედია მოხდა, ასეთი ტრაგედიები ალბათ, არ უნდა ხდებოდეს, ვუსამძიმრებ დაღუპულთა ახლობლებს. ეს იყო მიტოვებული სახლი, სადაც ეს ოჯახი თვითნებურად იყო შესახლებული: დედა, 4 მცირეწლოვანი და ერთი ქალბატონი. ხანძრის გამომწვევი მიზეზი ჯერჯერობით უცნობია, ძალიან ძველი სახლია, ხის და ცეცხლის გავრცელება ძალიან სწრაფად მოხდა.

ამ ოჯახს ჰქონდა საცხოვრებელი სახლი, რომელიც ბაღდათის მერიამ გამოუყო და წლების განმავლობაში იქ ცხოვრობდნენ, რატომ იმყოფებოდნენ ამჟამად ამ სახლში, ამ ეტაპზე ინფორმაცია არ გვაქვს", - განაცხადა შალამბერიძემ.

ბაღდათში ხანძარს ექვსი ადამიანის სიცოცხლე ემსხვერპლა, მათ შორის დედა, 4 ბავშვი და ოჯახის ახლობელი.

24 წლის მშობიარე ქალის ოჯახი ბავშვის გარდაცვალებაში ექიმებს ადანაშაულებს - "საკეისრო კვეთა დაგვიანებით ჩატარდა"

ფოთში ახალგაზრდა მამაკაცს ეძებენ

მარტყოფში მომხდარ მკვლელობაში ბრალდებული, წარსულში 18-წლიან სასჯელს იხდიდა - რას ყვება მონასტრის წინამძღვარი