ავტორი:

ჩინეთში მყოფი საქართველოს სამი მოქალაქე თბილისშია - მათ აეროპორტში სპეციალური შემოწმება გაიარეს

ჩინეთში მყოფი საქართველოს სამი მოქალაქე თბილისშია - მათ აეროპორტში სპეციალური შემოწმება გაიარეს

ჩინეთის ქალაქ იანგჭოუდან საქართველოს სამი მოქალაქე თბილისში უკვე ჩამოვიდა. მოქალაქეების ტრანსპორტირება მათი თხოვნის საფუძველზე მოხდა. ლუკა ბუხრაშვილის, ნინო ვაშალომიძისა და ანი ტატიშვილის ტრანსპორტირება საქართველოს ეკონომიკისა და მდგრადი განვითარების სამინისტროს დავალებით ,,საქართველოს აეროპორტების გაერთიანებამ” უზრუნველყო. მათ თბილისის საერთაშორისო აეროპორტში სპეციალური შემოწმება გაიარეს.

აეროპორტების გაერთიანების დირექტორის, თამარ არჩუაძის ინფორმაციით, მგზავრებმა უკვე დაასრულეს ყველა საჭირო საკარანტინო პროცედურა, ამ ეტაპზე ისინი არიან ჯანმრთელები, არ აღენიშნებათ არანაირი სიმპტომები და დაბრუნდებიან სახლში.

,,ვადასტურებთ, რომ სამივე მგზავრი მშვიდობით დაბრუნდა სამშობლოში. ჩვენ მივიღეთ ინფორმაცია ჩინეთის საელჩოდან საქართველოში, რომ საქართველოს მოქალაქეებს სურდათ საქართველოში დაბრუნება, ეს ინფორმაცია გაეგზავნა საკოორდინაციო საბჭოს, რის შემდეგაც ეკონომიკის მინისტრის დავალებით, აეროპორტების გაერთიანებამ უზრუნველყო მათი დაბრუნება საქართველოში.

მგზავრებმა უკვე დაასრულეს ყველა საჭირო საკარანტინო პროცედურა, მათ გაიარეს საკარანტინო პროცედურები გამოფრენამდეც. ამჟამად ისინი იღებენ რჩევა-დარიგებას, თუ რა უნდა მოხდეს, როდესაც ისინი დაბრუნდებიან სახლში. ამ ეტაპზე ისინი არიან ჯანმრთელები მათ არ აღენიშნებათ არანაირი სიმპტომები და დაბრუნდებიან სახლში”, - აღნიშნა თამარ არჩუაძემ.

ცნობისთვის, საქართველოში კორონავირუსის შესაძლო გავრცელების პრევენციული ღონისძიების ფარგლებში, 29 იანვარს ჩინეთთან პირდაპირი საჰაერო მიმოსვლა დროებით შეწყდა.

სპეციალისტები მიჩნევენ, რომ კორონავირუსი პიკს თებერვლის მეორე ნახევრიდან მიაღწევს. „ბლუმბერგის“ ინფორმაციით, ამ დასკვნამდე ლონდონის ჰიგიენისა და ტროპიკული დაავადებების კვლევების სკოლის მეცნიერები მივიდნენ.

გამოცემის ინფორმაციით, დაავადების კულმინაციის ზუსტი დროის დაფიქსირება ძნელია, რადგან ვირუსთან დაკავშირებული ვითარება საკმაოდ განუსაზღვრელია. კვლევაში აღნიშნულია, რომ ახალი კორონავირუსით დაავადებულია, სავარაუდოდ, უხანის ყოველი მეოცე მცხოვრები.

„შესაძლოა, ვივარაუდოთ, რომ პიკის დროს, უხანში, მოსახლეობის კიდევ 5 % დაინფიცირდება, რაც, დაახლოებით, 500 ათასი ადამიანია“ - განაცხადეს სპეციალისტებმა.

მართვის მოწმობის მისაღები თეორიული და პრაქტიკული გამოცდები დროებით უქმდება

დარჩით სახლში და გაუფრთხილდით თავს!

"მე ვრჩები სამსახურში შენთვის, შენ დარჩი სახლში ჩვენთვის" - ქართველი ექიმების კამპანია "ფეისბუქზე"