"მე ვრჩები სამსახურში შენთვის, შენ დარჩი სახლში ჩვენთვის" - ქართველი ექიმების კამპანია "ფეისბუქზე"
მთავრობისა და ჯანდაცვის სფეროს წარმომადგენლების შემდეგ სახლში დარჩენისკენ საზოგადოება ერთმანეთს უკვე სოციალურ ქსელში მოუწოდებს. "ფეისბუქზე" დაიწყო კამპანია #დარჩისახლში, რომელიც ათასობით ადამიანს აერთიანებს.
როგორც ცნობილია, ქვეყანაში კორონავირუსის გავრცელების პრევენციისთვის ხელისუფლებამ რამდენიმე მნიშვნელოვანი გადაწყვეტილება მიიღო, მათ შორის აიკრძალა ე.წ. ყვითელი მარშუტკების მოძრაობა, როგორც დედაქალაქში, ასევე რეგიონებშიც. შესაბამისად, მგზავრთა ნაკადი გაზრდილია მუნიციპალურ ტრანსპორტში.
აღნიშნულის გამო სახლში დარჩენისკენ მოუწოდა ხალხს თბილისის მერმაც. კახა კალაძის განმარტებით, თუ გადაუდებელი აუცილებლობა არ არსებობს, საზოგადოებამ თავი უნდა შეიკავოს გადაადგილებისგან.
ანალოგიური რეკომენდაცია გასცა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ.
"ჩვენი რეკომენდაციაა, რომელიც რამდენადაც ვიცი, სოციალურ ქსელებშიც ყოფილა ატაცებული - "დარჩით სახლში", - განაცხადა იმნაძემ.
სახლში დარჩენის მოთხოვნით მიმართავენ მოქალაქეებს ექიმებიც. "მე ვრჩები სამსახურში შენთვის, შენ დარჩი სახლში ჩვენთვის" - ამ მიმართვას "ფეისბუქზე" უამრავი ქართველი მედიკოსი აზიარებს:
განათლების სამინისტრო მშობლებს მიმართავს
"მე 65 წელზე მეტის ვარ, მაგრამ სახლში ვერ დავრჩები, უნდა ვიმუშავო" - პაატა იმნაძე
