ჯავახეთის ქუჩაზე სავარაუდოდ, ყოფილმა ქმარმა ახალგაზრდა ქალი დანით დაჭრა

თბილისში, ჯავახეთის ქუჩაზე ახალგაზრდა ქალი დანით დაჭრეს. არსებული ინფორმაციით, ყოფილმა ქმარმა ქალს ჭრილობა ყელის არეში მიაყენა.

თვითმხილველი წერს, რომ შემთხვევა ტრანსპორტის გაჩერებასთან, საკმაოდ ხალხმრავალ ადგილას მოხდა.

საბედნიეროდ, ქალისთვის მიყენებული ჭრილობა სიცოცხლისთვის საშიში არ არის.

შინაგან საქმეთა სამინისტრომ საქმეზე გამოძიება უკვე დაიწყო. როგორც უწყებაში განაცხადეს, გამოძიება სისხლის სამართლის კოდექსის 19-109-ე მუხლით მიმდინარეობს, რაც განზრახ მკვლელობის მცდელობას გულისხმობს.

"ინტერპრესნიუსის“ ინფორმაციით, დაჭრილი ქალი თბილისის ზღვის ჰოსპიტალში გადაიყვანეს. როგორც სასწრაფო სამედიცინო დახმარების ცენტრის პრესსამსახურში განაცხადეს, დაჭრილის მდგომარეობა სტაბილურია.