ავტორი:

უცხო გალაქტიკიდან დედამიწაზე 16 დღეში ერთხელ ამოუცნობი რადიოსიგნალი მოდის - რას ვარაუდობენ მეცნიერები

უცხო გალაქტიკიდან დედამიწაზე 16 დღეში ერთხელ ამოუცნობი რადიოსიგნალი მოდის - რას ვარაუდობენ მეცნიერები

დედამიწაზე სხვა გალაქტიკიდან ამოუცნობი რადიოსიგნალები რეგულარულად ფიქსირდება. ჩვენს პლანეტაზე რადიოსიგნალები უცხო გალაქტიკებიდან აქამდეც მოდიოდა, თუმცა მას რეგულარული სახე არასდროს ჰქონია.

როგორც CNN წერს, რადიოსიგნალი ყოველ 16 დღეში ერთხელ მეორდება. მეცნიერები გადაჭრით ვერ ამბობენ, თუ რასთან გვაქვს საქმე და ამ ეტაპზე მისი წარმომავლობის გასარკვევად ინტენსიურად მუშაობენ.

რადიოსიგნალები კანადის CHIME-ის ობსერვატორიაში დააფიქსირეს. თავდაპირველად, ოთხი დღის განმავლობაში სიგნალი დედამიწაზე ყოველ დღე, საათში ორჯერ მოდიოდა. შემდეგ კი შეწყდა, თუმცა 12-დღიანი პაუზის შემდეგ განახლდა და ახლა ყოველ 16 დღეში ერთხელ მოდის.

ახალი, ამოუცნობი რადიოსიგნალების წარმომავლობა დაზუსტებული არ არის. მეცნიერები რამდენიმე თეორიაზე მუშაობენ. ერთ-ერთი თეორიის მიხედვით, რადიოსიგნალების მიზეზი შეიძლება იყოს ახალი ვარსკვლავების დაბადება, ან ვარსკვლავების აფეთქების შედეგად წარმოქნილი ნეიტრონული ვარსკვლავები.

არსებობს თეორია იმის შესახებაც, რომ ყოველივე ჩვენზე გაცილებით უფრო მეტად განვითარებულ უცხოპლანატელებს უკავშირდებოდეს და ხელოვნურად შექმნილ სიგნალებს გზავნიდნენ დედამიწაზე, თუმცა აღსანიშნავია, რომ მეცნიერები ამ უკანასკნელ თეორიას ყველაზე სკეპტიკურად უყურებენ.

საყურადღებოა ის ფაქტი, რომ რადიოსიგნალი ერთი და იგივე ადგილიდან მოდის. ასტროფიზიკოსების განმარტებით, ახალ, ამოუცნობ სიგნალს დედამიწიდან 1.5 მლრდ სინათლის წელიწადით დაშორებული უცნობი გალაქტიკიდან ვიღებთ.

თავის მხრივ, რადიო აფეთქებები და დედამიწაზე რადიოსიგნალების მიღება უჩვეულო არ არის. პირველად მსგავსი რამ 2007 წელს აღმოაჩინეს, მაგრამ მაშინდელმა დაკვირვებებმა ცხადყო, რომ ეს სიგნალები სხვადასხვა კოსმოსური შეჯახებებიდან იყო წარმოქმნილი. და ამავდროულად, მაშინ რადიოსიგნალები რეგულარულად არ მეორდებოდა.

დედამიწაზე კოსმოსიდან 2015 წელსაც მოვიდა რადიოსიგნალი და მაშინაც კვლევის შედეგად დადგინდა, რომ ყოველივე სწრაფ რადიოაფეთქებებს უკავშირდებოდა.

"მოჩვენებების სოფელი“ უდაბნოში, სადაც სახლებს კარი და ფანჯრები არ აქვთ - რატომ გაიქცნენ ადამიანები ალ მადამიდან

მეგან მარკლი და პრინცი ჰარი ჩემოდნებით ხელში - "მეამბოხე წყვილის“ პირველი ერთობლივი ფოტოები კანადიდან

23 თე­ბერ­ვალს ახალმთვა­რე­ო­ბაა - რა უნდა იცოდნენ ზოდიაქოს ნიშნებმა