ავტორი:

"გაძლევთ გარანტიას, ერთ წელიწადში ეს ხელისუფლება დასრულდება" - ვანო მერაბიშვილის პირველი კომენტარი ციხის დატოვების შემდეგ

"გაძლევთ გარანტიას, ერთ წელიწადში ეს ხელისუფლება დასრულდება" - ვანო მერაბიშვილის პირველი კომენტარი ციხის დატოვების შემდეგ

შინაგან საქმეთა ყოფილმა მინისტრმა ვანო მერაბიშვილმა ე.წ. მატროსოვის ციხის დატოვების შემდეგ ახლობლებს და მეგობრებს მხარდაჭერისთვის მადლობა გადაუხადა.

"ზუსტად 9 წელიწადი და 6 თვე ვიმყოფებოდი საპატიმროში სამარტოო საკანში. მე ვარ კმაყოფილი იმით, რომ არ წავედი არავითარ კომპრომისზე, უპირველეს ყოვლისა, არ წავედი კომპრომისზე ჩემი თავის მიმართ.

VIDEO: ვანო მერაბიშვილის პირველი პოლიტიკური განცხადება საპყრობილედან გამოსვლის შემდეგ

მადლობა ყველა გულშემატკივარს და ახლობელს, ვინც აქაა და ვინც შორიდან მგულშემატკივრობს. სწორედ მათი მხარდაჭერით, მე შევინარჩუნე ძალა, ენერგია, იმედი, რწმენა რომ გავაგრძელო ბრძოლა იმისთვის, ეს რეჟიმი საქართველოს ჩამოშორდეს. გაძლევთ გარანტიას, ერთ წელიწადში ეს ხელისუფლება დასრულდება.

ამის გაკეთება არის აუცილებელი და ჩვენ ამას აუცილებლად გავაკეთებთ. ეს არის აუცილებელი იმისთვის, რომ ქვეყანაში დაიწყოს განვითარება, ქვეყანა წავიდეს წინ, ჩვენი ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია.

ჩვენ აუცილებლად გავიმარჯვებთ. წლის ბოლომდე, მე გაძლევთ გარანტიას ამ ხელისუფლების დამხობის მერე, ამ ციხის კარები ფართოდ გაიღება და ყველა პოლიტპატიმარი გამოვა, ვინც ამ ციხეში ზის" - აღნიშნა მერაბიშვილმა.

ფოტო: გიორგი ჟამერაშვილი

პრემიერმა საქართველოში კორონავირუსის დაფიქსირებისთანავე საგანგებო უწყებათაშორისი საკოორდინაციო ჯგუფი შექმნა

LIVE: დღის მნიშვნელოვანი ამბები "საღამოს ნიუსრუმიდან"

ვინ იქნებიან მაჟორიტარი დეპუტატობის სავარაუდო კანდიდატები ოპოზიციიდან - "ინტერპრესნიუსი" ლიდერების გვარებს ასახელებს