"მე ვამაყობ მისი გაუტეხელობით..." - მიხეილ სააკაშვილი ვანო მერაბიშვილის გათავისუფლებას ეხმაურება

საქართველოს ყოფილი პრეზიდენტი მიხეილ სააკაშვილი ყოფილი შს მინისტრის, ვანო მერაბიშვილის ციხიდან გათავისუფლებას ეხმაურება.

"მივესალმები ვანო მერაბიშვილის თავისუფლებაზე ყოფნას, მრავალწლიანი უდანაშაულოდ პატიმრობის შემდეგ.

მე ვამაყობ მისი გაუტეხელობით, შემართებით და სიმტკიცით. ვეთანხმები, რომ ივანიშვილი აუცილებლად დასრულდება. დასრულდება არა ჩვენი პირადი გრძნობების გამო, არამედ იმიტომ, როგორც ვანომ თქვა, ჩვენ ქვეყანას სჭირდება წინსვლა და განვითარება.

მოვუწოდებ ყველას შერიგებისკენ, არა წარსულისკენ, არამედ მომავლისკენ სწორებისკენ" - დაწერა მიხეილ სააკაშვილმა "ფეისბუქის" პირად გვერდზე.

მერაბიშვილი ციხიდან თითქმის, 7-წლიანი პატიმრობის შემდეგ გაათავისუფლეს.