ავტორი:

კორონავირუსის საფრთხესთან დაკავშირებით, საქართველოს საელჩო იტალიაში მყოფ თანამოქალაქეებს მიმართავს

კორონავირუსის საფრთხესთან დაკავშირებით,  საქართველოს საელჩო იტალიაში მყოფ თანამოქალაქეებს მიმართავს

საქართველოს საელჩო იტალიაში მყოფ თანამოქალაქეებს კორონავირუსთან დაკავშირებით მოუწოდებს, გაითვალისწინონ იტალიის მთავრობის მიერ ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა, თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები. ამის შესახებ ინფორმაციას საელჩო Facebook-ის გვერდზე ავრცელებს.

"კორონა ვირუსთან დაკავშირებით შექმნილი მდგომარეობიდან გამომდინარე, საქართველოს საელჩო მოუწოდებს იტალიაში და განსაკუთრებით კი მის 5 რეგიონში (ლომბარდია, ვენეტო, პიემონტე, ემილია რომანია და ლაციო) მცხოვრებ და ტურისტული მიზნებით მყოფ საქართველოს მოქალაქეებს, გაითვალისწინონ იტალიის მთავრობის მიერ ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები.

კორონავირუსთან დაკავშირებული ყველა ოფიციალური ინფორმაცია შეგიძლიათ მოიძიოთ იტალიის ჯანდაცვის სამინისტროს სპეციალურ პორტალზე.

http://www.salute.gov.it/nuovocoronavirus ან იტალიის სამოქალაქო დაცვის ვებ-გვერდზე http://www.protezionecivile.gov.it/home

ვირუსისთვის დამახასიათებელი სიმპტომების არსებობის შემთხვევაში, დარეკეთ იტალიის ჯანდაცვის სამინისტროს ცხელ ხაზზე - 1500, ან საქართველოს საკონსულოს ცხელ ხაზზე - 333 8879123“,-ნათქვამია ინფორმაციაში.

ახალი კორონავირუსის გავრცელების პრევენციის მიზნით, იტალიის ხელისუფლებამ ქვეყნის ჩრდილოეთ ნაწილის 10 ქალაქის იზოლაცია განახორციელა.

გამოცემა "ევერონიუსის“ ინფორმაციით, იზოლირებული ქალაქები არიან: კაზალპუსტერლენგო, კოდონო, მალეო, ბერტონიკო, ტერანოვა დეი პასერინი, კასტელჯერუნდო, სან ფიორანო, კასტილიონე დ’ადდა და ფომბიო.

აღნიშნულ ქალაქებში დახურულია სკოლები, ბაღები, მარკეტები, სპორტდარბაზები და სხვა საზოგადოებრივი თავშეყრის ადგილები. ხელისუფლება მოსახლეობას მოუწოდებს, სახლიდან გამოსვლისგან თავი შეიკავონ. ბოლო ინფორმაციით, იტალიაში კორონავირუსით დაავადებულთა რაოდენობამ 130-ს გადააჭარბა.

როგორი იქნება ახალი 12-მეტრიანი ავტობუსები, რომლებიც თბილისში შემოდგომიდან იმოძრავებენ

ზუგდიდელი მღვდელი ჟესტების ენას სწავლობს, რათა სმენადაქვეითებული პირებისთვის წირვა აღავლინოს

ფოტოები სამტრედიასთან მომხდარი ავარიიდან, რომელსაც 5 ადამიანი ემსხვერპლა