ქუთაისის აეროპორტიდან ინფექციურში გადაიყვანეს იტალიიდან ჩამოფრენილი 20 წლის გოგონა

ქუთაისის აეროპორტიდან ქალაქის ინფექციურ ცენტრში მგზავრი გადაიყვანეს. 20 წლის გოგონა სასწრაფო სამედიცინო დახმარების ჯგუფმა კლინიკა "ელ ჯი და კომპანიაში" დღის მეორე ნახევარში შეიყვანა.

როგორც კლინიკის მთავარი ექიმი თემურ ნადირაძე აცხადებს, კლინიკაში გადაყვანილი 20 წლის ახალგაზრდა, იტალიიდან ჩამოფრინდა და ტემპერატურა 37.8 გრადუსი დაუფიქსირდა.

"შემოყვანილია პაციენტი 20 წლის, იტალიიდან ჩამოვიდა სიცხე დაუფიქსირდა 37,8. მოთავსებულია ბოქსირებულ პალატაში.

უტარდება მკურნალობა, ემსახურება სპეციალურად აღჭურვილი მედპერსონალი. კორონავირუსზე ანალიზი ჯერ არ ჩატარებია. ჯანდაცვის ცენტრთან შეთანხმებით, საჭიროების შემთხვევაში ანალიზები ლუგარის ლაბორატორიაში გადაიგზავნება. მდგომარეობა სტაბილურია, ტემპერატურამ დაიკლო, რჩება კლინიკაში",- განაცხადა თემურ ნადირაძემ.