საქართველოში კორონავირუსის პირველი შემთხვევა დაფიქსირდა - ჯანდაცვის მინისტრი

საქართველოში კორონავირუსის პირველი შემთხვევა დაფიქსირდა. ამის შესახებ მთავრობის ადმინისტრაციაში გამართულ ბრიფინგზე საქართველოს ოკუპირებული ტერიტორიებიდან დევნილთა, შრომის, ჯანდაცვისა და სოციალური დაცვის მინისტრმა ეკატერინე ტიკარაძემ განაცხადა.

"ვირუსი დაუდგინდა საქართველოს მოქალაქეს, რომელიც შემოვიდა აზერბაიჯანის გავლით ირანიდან. ის გადაყვანილი იქნა ინფექციურ საავადმყოფოში. მის ჯანმრთელობას საფრთხე არ ემუქრება. მინდა დავამშვიდო საქართველოს მოქალაქეები, ჩვენ პანიკის რისკი არ გვაქვს, რადგან ჩვენი მთავრობა ყველა ზომას მიმართავს, რომ საქართველოში კორონავირუსის ეპიდემია არ გვქონდეს" - აღნიშნა ტიკარაძემ.