თეთრ სახლში კორონავირუსთან დაკავშირებით დონალდ ტრამპის  საგანგებო პრესკონფერენცია ჩაინიშნა

აშშ-ის პრეზიდენტი დონალდ ტრამპი კორონავირუსთან დაკავშირებით თეთრ სახლში საგანგებო პრესკონფერენციას გამართავს. როგორც პრეზიდენტმა სოციალურ ქსელ „ტვიტერზე“ დაწერა, პრესკონფერენციას დაავადებათა კონტროლისა და პრევენციის ცენტრის წარმომადგენლებიც დაესწრებიან.

პრესკონფერენცია ადგილობრივი დროით საღამოს 6 საათზე (თბილისის დროით დილის 03:00 საათზე) დაიწყება.

„მე, ამ საკითხზე, თეთრ სახლში, პრესკონფერენციას გავმართავ, დღეს, საღამოს 6:00 საათზე. პრესკონფერენციაზე იქნებიან დაავადებათა კონტროლისა და პრევენციის ცენტრის წარმომადგენლები და სხვა პირები“, - დაწერა ტრამპმა.

შეგახსენებთ, თეთრი სახლის ინფორმაციით, ტრამპის ადმინისტრაცია კონგრესს ახალ კორონავირუსთან საბრძოლველად 2,5 მილიარდი დოლარის გამოყოფას სთხოვს.