ავტორი:

კორონავირუსით ინფიცირებული სამი ადამიანის ჯანმრთელობის მდგომარეობა დამაკმაყოფილებელია

კორონავირუსით ინფიცირებული სამი ადამიანის ჯანმრთელობის მდგომარეობა დამაკმაყოფილებელია

ინფექციური საავადმყოფოს ბოქსირებულ განყოფილებაში 19 პაციენტი რჩება. ამის შესახებ ინფექციური საავადმყოფოს ბოქსირებული განყოფილების უფროსმა მარინა ენდელაძემ ჟურნალისტებს განუცხადა.

მისი ინფორმაციით, ყველა პაციენტის, მათ შორის სამივე ინფიცირებული ადამიანის ჯანმრთელობის მდგომარეობა დამაკმაყოფილებელია.

„დღეს ორ ეტაპად იქნა აღებული 14 პაციენტზე სისხლის ანალიზი. მათგან ყველას უარყოფითი პასუხი აქვთ. ამჟამად არის 19 პაციენტი. ისევ ველოდებით 8 პაციენტის პასუხს. ყველას ჯანმრთელობის მდგომარეობა დამაკმაყოფილებელია. ადგილები ჯერჯერობით გვაქვს. ასევე სამი ინფიცირებული ადამიანის ჯანმრთელობის მდგომარეობაც დამაკმაყოფილებელია. ამ წუთში 19 პაციენტია, მაგრამ შემოდინებაა. ყველა არის საქართველოს მოქალაქე. ძირითადად შემთხვევები არის იტალია, ირანიდან“, - განაცხადა ენდელაძემ.

შეგახსენებთ, რომ საქართველოში ამ დროისთვის კორონავირუსის სამი შემთხვევაა დადასტურებული. პირველი, საქართველოს მოქალაქეს დაუდგინდა, რომელიც 50 წლამდე მამაკაცია და ქვეყანაში ირანიდან შემოვიდა. მეორე 31 წლის ქალია, რომელიც ასევე საქართველოს მოქალაქეა და ქუთაისის საერთაშორისო აეროპორტში იტალიიდან ჩამოფრინდა. მესამე ინფიცირებული მამაკაციც საქართველოს მოქალაქეა, რომელიც ირანში იმყოფებოდა.

მართვის მოწმობის მისაღები თეორიული და პრაქტიკული გამოცდები დროებით უქმდება

დარჩით სახლში და გაუფრთხილდით თავს!

"მე ვრჩები სამსახურში შენთვის, შენ დარჩი სახლში ჩვენთვის" - ქართველი ექიმების კამპანია "ფეისბუქზე"