ავტორი:

"კაცებო დაარღვიეთ დუმილი... დაეხმარეთ ქალებს, რომ ყოველ დღე არ გვკლავდნენ!" - სახელმწიფო ინსპექტორის მიმართვა

"კაცებო დაარღვიეთ დუმილი... დაეხმარეთ ქალებს, რომ ყოველ დღე არ გვკლავდნენ!" - სახელმწიფო ინსპექტორის მიმართვა

სახელმწიფო ინსპექტორი ლონდა თოლორაია ბოლო პერიოდში მომხდარ ფაქტებს ეხმაურება, რომელიც ქალთა მიმართ ძალადობას ეხება:

"კაცებო, აუხსენით კაცებს რომ ქალის ცემა, მოკვლა, თმით თრევა, "დასჯა", დატუქსვა ღირსების დაცვა კი არა, უღირსი საქციელია! იქნებ დაარღვიოთ დუმილი და ხმამაღლა დააფიქსიროთ თქვენი პოზიციები! ქალთა უფლებების დაცვა, მხოლოდ ქალების საქმე არაა! დაეხმარეთ ქალებს, რომ ყოველ დღე არ გვკლავდნენ!" - წერს ლონდა თოლორაია.

ცნობისთვის, გუშინ ხაშურში მამაკაცმა ყოფილი მეუღლე ქუჩაში დაჭრა. 24 წლის სალომე ჩიქოვანის მდგომარეობა უკიდურესად მძიმეა. დაჭრის მომენტში ახალგაზრდა ქალი დედასთან ერთად მიდიოდა ქუჩაში.

რა დროსაც მეუღლეს შეხვდა და შელაპარაკება მოუვიდათ განქორწინების საკითხთან დაკავშირებით. ამის შემდეგ მამაკაცმა ქალი დაჭრა. ბრალდებული პოლიციამ ადგილზე დააკავა.

ასევე საზარელი ფაქტი მოხდა რამდენიმე დღის წინ სამტრედიაში. 26 წლის ახალგაზრდა გოგონა სალომე ბოხუაა იუსტიციის სახლში ხელის გასაწერად იყო მისული, რა დროსაც ქმარმა ყელის არეში დანით ჭრილობა მიაყენა. გოგონა ადგილზე გარდაიცვალა. 28 წლის გიგა აბრალავა პოლიციამ დანაშაულის ადგილზე დააკავა.

"მიმაჩნია, რომ ავადმყოფობა სირცხვილი არ არის" - ამირან გამყრელიძის შვილს კორონავირუსი აღმოაჩნდა

"დავეხმაროთ ხატიას, რომ 10 თვის პატარა დედის გარეშე არ დარჩეს" - 24 წლის გოგოს საზოგადოების დახმარება ესაჭიროება

აფრიკაში დატყვევებული ოთხი ქართველი მეზღვაური თავისუფალია